વડોદરા / ટ્યૂશન ક્લાસીસ આજે બંધ, ફાયર સેફ્ટીનો અભાવ હશે તેને સીલ કરાશે

આ ઉપરાંત બિલ્ડિંગ પણ જર્જરિત હાલતમાં છે. જો કે તંત્ર દ્વારા હજુ પણ કોઇ કાર્યવાહી નથી કરવામાં આવી. સુરત આગની ઘટના બાદ વડોદરા કોર્પોરેશન પણ જાગ્યું છે. વડોદરામાં 1100 જેટલા ટ્યૂશન ક્લાસીસ ચાલે છે અને એકપણ ટ્યૂશન ક્લાસીસમાં ફાયર સેફ્ટીની વ્યવસ્થા પણ નથી.

આમ છતાં પણ બેફામ ટ્યૂશન ક્લાસીસ ચાલે છે. જો કે કોર્પોરેશન પાસે 152 ટ્યૂશન ક્લાસીસની યાદી છે. ત્યારે આજે વડોદરામાં કોર્પોરેશનની 4 ટીમો કામે લાગશે. જ્યાં પણ ફાયર સેફ્ટીનો અભાવ હશે તેને સીલ કરાશે. આ ઉપરાંત પોલીસની વિવિધ ટીમો પણ કામે લાગશે.

સુરતના ટ્યુશન ક્લાસમાં આગની દુર્ઘટનાને પગલે મ્યુનિસિપલ કમિશનરે ટ્યુશન ક્લાસિસ બંધ રાખવાના આદેશ આપ્યા છે. જે ક્લાસિસ પાસે ફાયર NOC નહીં હોય તેને ચાલવા દેવામાં નહીં આવે. વડોદરામાં અનેક જગ્યાએ સેફ્ટી વગર ટ્યુશન ક્લાસિસ ચાલી રહ્યા છે ત્યારે વડોદરા મનપા દ્વારા નિર્ણય કરવામાં આવ્યો છે અને તાત્કાલિક અસરથી ટ્યુશન ક્લાસીસ બંધ કરવા આદેશ કરવામાં આવ્યો છે.