Gold Price Today / છેલ્લા બે મહિનામાં સૌથી સસ્તું સોનું, ફરી ભાવમાં થયો ઘટાડો, જાણો લેટેસ્ટ રેટ

• સોનાનાં ભાવ 2 મહિનામાં સૌથી નીચેનાં સ્તર પર
• માગમાં થતા ઘટાડાને લીધે ભાવ ઘટ્યાં
• આજનો સોનાની કિંમત 55,198 રૂપિયા પ્રતિ 10 ગ્રામ

સોનાનાં ભાવમાં સતત ઘટાડો નોંધાઈ રહ્યો છે. સોનાનો રેટ તૂટી રહ્યો છે. મંગળવારે સોનાનો ભાવ 278 રૂપિયા ઘટીને પ્રતિ 10 ગ્રામ 55,198 રૂપિયા થઈ ગયો છે. સોનાની માગમાં થયેલા સતત ઘટાડાને લીધે રેટ નીચે ગયાં છે.  આ કારણે મલ્ટી કોમોડિટી એક્સચેન્જ પર એપ્રિલ ડેલિવરી માટે સોનાનો કોન્ટ્રેક્ટ નબળો રહ્યો છે.

વૈશ્વિક સ્તર પર  0.55%નો ઘટાડો
MCX પર 11,194 લૉટનાં વ્યાવસાયિક કારોબારમાં સોનું 278 રૂપિયા કે 0.5% ઘટીને ટ્રેડ કરી રહ્યું હતું. વિશ્લેષકોએ સહભાગીઓ દ્વારા કરવામાં આવેલી ટ્રિમિંગને સોનાનાં કિંમતમાં થયેલા ઘટાડા માટે જવાબદાક ઠેરવ્યું છે. વૈશ્વિક સ્તરની વાત કરીએ તો ન્યૂયોર્કમાં સોનું 1,814.80 ડોલર પ્રતિ ઔંસનાં હિસાબે 0.55% ઘટાડાની સાથે કામ કરી રહ્યું છે. 

આ હોઈ શકે છે કારણ...
સોનાની કિંમતોને આજે 54,500નાં સ્તર પર સમર્થન છે, જ્યારે 52,700 સોના માટે મજબૂત કુશન સાબિત થઈ રહ્યું છે. અમેરિકી ડોલર અને યૂએસ ફેડરલ રિઝર્વની નીતિઓની સાથે અમેરિકી ફુગાવાની સ્થિતિની વચ્ચે સોનાની કિંમતો પર દબાણ વધ્યું છે અને 2 મહિનામાં આજે સોનાનાં ભાવ સૌથી નીચા સ્તર પર પહોંચ્યું છે. સરાફ વેપારી મોહિત ગુપ્તા કહે છે કે 'સોનાની કિંમતો આજે ઓછી થઈ રહી છે અને 2 પ્રમુખ કારણોથી ભાવ નીચલા સ્તર પર છે. મજબૂત અમેરિકી ડોલર અને અમેરિકી ફુગાવાના ભયએ સોનાનાં ભાવ તોડ્યાં છે. '

શું છે ચાંદીનાં ભાવ?
સોમવારે ચાંદીનો ભાવ 62,530 રૂપિયા પ્રતિ કિલોગ્રામ જેટલો ઘટ્યો હતો. સિલ્વર ફ્યૂચર્સ મંગળવારે 434 રૂપિયા જેટલું ઘટીને 62,530 રૂપિયા પ્રતિ કિલોગ્રામ થયો છે. મલ્ટી કોમોડિટી એક્સચેન્જ પર માર્ચ ડિલીવરી માટે 295 લૉટનાં વ્યાવસાયિક કારોબારમાં ચાંદીનો રેટ 0.69% ઘટ્યો છે.