TJMM બોક્સ ઓફિસ / 'પઠાણ' બાદ રણબીર-શ્રદ્ધાની 'તુ જૂઠી મેં મક્કાર' મચાવી રહી છે ધૂમ, કલેક્શનનો આંકડો 100 કરોડને પાર

• 'તુ જૂઠી મેં મક્કાર' ફિલ્મે બોક્સ ઓફિસ પર મજબૂત પકડ બનાવી
• ફિલ્મે રિલીઝના આઠમા દિવસે કર્યું આટલું કલેક્શન 
• વર્લ્ડવાઈડ 120 કરોડની કમાણી કરી 

TJMM box office collection : રણબીર કપૂર અને શ્રદ્ધા કપૂરની રોમ-કોમ ફિલ્મ 'તુ જૂઠી મેં મક્કાર' શાહરૂખ ખાન સ્ટારર ફિલ્મ 'પઠાણ' પછી 2023ની બીજી બ્લોકબસ્ટર બનવા માટે તૈયાર છે. જણાવી દઈએ કે ફિલ્મને દર્શકો તરફથી ખૂબ જ સારો પ્રતિસાદ મળ્યો છે અને રણબીર અને શ્રદ્ધાની જોડીની પણ સ્ક્રીન પર પ્રશંસા કરવામાં આવી છે. 'પ્યાર કા પંચનામા' ફેમ લવ રંજન દ્વારા નિર્દેશિત 'તુ જૂઠી મેં મક્કાર' બોક્સ ઓફિસ પર મજબૂત પકડ બનાવી છે. 

વર્લ્ડવાઈડ 100 કરોડથી વધુની કમાણી કરી
આ ફિલ્મ 8 માર્ચે સિનેમાઘરોમાં આવી હતી. ફિલ્મ 'તુ જૂઠી મેં મક્કાર' એ શાનદાર ઓપનિંગ કર્યું હતું અને આ ફિલ્મે બોક્સ ઓફિસ પર હજુ સારું પ્રદર્શન કરી રહી છે. ફિલ્મ ડોમેસ્ટિક બોક્સ ઓફિસ પર 100 કરોડનો આંકડો પાર કરવાની નજીક પહોંચી ગઈ છે તો બીજી તરફ આ ફિલ્મે વર્લ્ડવાઈડ 100 કરોડથી વધુની કમાણી કરી લીધી છે. હાલ બીજા વીકેન્ડમાં ફિલ્મ ડોમેસ્ટિક બોક્સઓફિસમાં 100 કરોડના ક્લબમાં એન્ટ્રી કરે તેવી આશા છે.  

'તુ જૂઠી મેં મક્કાર' ફિલ્મે રિલીઝના આઠમા દિવસે કેટલું કલેક્શન કર્યું 
ડોમેસ્ટિક બોક્સ ઓફિસ પર 'તુ જૂઠી મેં મક્કાર' ને વર્કિંગ ડેની ચોક્કસ અસર થઈ હતી પણ તેમ છતાં ફિલ્મે સારું પ્રદર્શન કર્યું છે. પહેલા દિવસે ફિલ્મે 14 થી 15 કરોડની કમાણી કરી હતી. જો કે વિકેન્ડ પર ફિલ્મનું કલેક્શન વધતું ગયું અને વીકએન્ડના અંત સુધીમાં ફિલ્મે 70 કરોડનો આંકડો પાર કરી લીધો હતો. જો કે સોમવાર અને મંગળવારે અઠવાડિયાના દિવસની અસર ફિલ્મ પર ચોક્કસપણે જોવા મળી.

જણાવી દઈએ કે ફિલ્મે સોમવારે 6 કરોડ, મંગળવારે 6.02 અને બુધવારે લગભગ 5.57 કરોડનો બિઝનેસ કર્યો હતો. આ સાથે જ  'તુ જૂઠી મેં મક્કાર' ફિલ્મે ડોમેસ્ટિક બોક્સ ઓફિસ પર નેટ 87.88 કરોડ અને 97.2 કરોડની ગ્રોસ કમાણી કરી હતી.

ફિલ્મ માત્ર ભારતીય બોક્સ ઓફિસ પર જ નહીં પરંતુ વર્લ્ડવાઈડ શાનદાર કલેક્શન કરી રહી છે. જણાવી દઈએ કે લવ રંજનની આ ફિલ્મે 100 કરોડનો આંકડો પાર કર્યો છે અને આઠ દિવસમાં લગભગ 120 કરોડની કમાણી કરી લીધી છે.