Winter Special Recipe / ચીકી બનાવવાના પ્લાનમાં છો તો ચોક્કસથી ઉમેરજો આ 1 વસ્તુ, વધશે ચીકીનો સ્વાદ

• શિયાળામાં બનાવો ખાસ વાનગી
• ચીકી બનાવતા રાખો ખાસ ધ્યાન
• ઉમેરી લો આ 1 વસ્તુ

ચીકી શિયાળાની ખાસ વાનગી છે. ગોળ, શિંગ અને તલની પ્રકૃતિ ગરમ હોવાથી તેમાંથી શરીરને રક્ષણ મળે છે. સાથે જ તે સ્વાદિષ્ટ હોવાથી ઘરમાં નાના મોટા દરેકને પસંદ આવે છે. હેલ્થ અને ટેસ્ટ બંનેમાં તે બેસ્ટ રહે છે. તો આજથી જ પ્લાન કરી લો આ ખાસ રીતે ચીકી બનાવવાનો અને કરો મજા.

શીંગ અને તલની ચીકી

સામગ્રી

-250 ગ્રામ શીંગદાણા  કે તલ
-250 ગ્રામ ગોળ
-2 મોટી ચમચી ઘી 
 

રીત

સૌપ્રથમ શીંગદાણા કે તલ શેકીને અધકચરા વાટી લો. હવે એક નોન સ્ટિક કઢાઈમાં ઘી ગરમ કરો. ગરમ થાય એટલે તેમાં ગોળને ઓગાળો. ગોળ ઓગળીને ફૂલવા માંડે કે તરત જ તેમાં ચપટી સાજીના ફૂલ મિક્સ કરો. સહેજ હલાવો. ગોળના પાયાનો કલર બદલાઈ જશે. હવે તેમાં અધકચરા વાટેલા શીંગદાણા કે તલ નાખીને સારી રીતે મિક્સ કરી લો.  હવે એક થાળીની પાછળ તેલ લગાવીને આ મિશ્રણને પાથરી દો. મોટી પાતળી રોટલી વણો. આ મિશ્રણ ગરમ રહે ત્યાં સુધી જ ઝટપટ આની રોટલી વણી લેવી. ઠંડુ થતા જ તેને તોડીને ભરી લેવી. તૈયાર છે શીંગ કે તલની ક્રિસ્પી અને સ્વાદિષ્ટ ચીકી.   

ટિપ્સ

યાદ રહે કે ગોળને ગરમ કરતી વખતે હલાવતા રહેવુ જોઈએ, જો વધુ ગરમ થઈ જશે તો ગોળ કાળો થઈ જશે અને ચીકી પથ્થર જેવી થઈ જશે. સીંગદાણાની સાથે શેકીને વાટેલા તલ અને છીણેલુ કોપરું પણ નાખી શકાય છે.

ગોળ જ્યારે બરોબર ઓગળી જાય ત્યારે તેમાં ચણઆની દાળ જેટલા સાજીના ફૂલ મિક્સ કરો. તેનાથી તમારો પાયો ફૂલશે અને તેનો કલર લાઈટ થશે. ચીકી પણ સોફ્ટ બનશે. 

આ જ રીતે તમે શિંગની જગ્યાએ તલ વાપરી શકો છો અને તલની ચીકી બનાવી શકો છો. તલને યૂઝ કરતાં પહલાં તેને પલાળીને કપડાં પર ઘસીને તેના છોતરાં કાઢી લો. પછી તેને શેકી લો અને પછી તેની ચીકી બનાવો.