Republic Day Recipe / કિચનમાં મનાવો ગણતંત્ર દિવસ, ટ્રાય કરી લો આ ખાસ વાનગી જે કરશે સૌને ખુશ

• ગણતંત્ર દિવસે બનાવો ખાસ ઈડલી
• ત્રિરંગી ઈડલી સ્વાદ અને દેખાવમાં છે બેસ્ટ
• હેલ્ધી હોવાની સાથે પરિવારને આવે છે પસંદ

ત્રિરંગી ઈડલી

સામગ્રી

-ત્રણ કપ ઈડલીનું ખીરું
-બે ટીસ્પૂન ટોમેટો ચટણી
-બે ટીસ્પૂન ગ્રીન કોકોનટ ચટણી
-પા ટીસ્પૂન ખાવાનો સોડા
-તેલ જરૂર પ્રમાણે   

ટોમેટો ચટણી માટે

-બે નંગ ટામેટા
-બે ટીસ્પૂન તાજી નાળિયેરની છીણ
-પાંચ નંગ સૂકાં લાલ મરચાં
-બે ટીસ્પૂન ચણાની દાળ
-એક ટીસ્પૂન આંબલીનો પલ્પ
-એક ટીસ્પૂન તેલ
-મીઠું સ્વાદ અનુસાર   

ગ્રીન કોકોનટ ચટણી માટે

-એક ઝૂડી કોથમીરની
-અડધી ઝૂડી ફૂદીનો
-પા કપ તાજું નાળિયેરનું છીણ
-પાંચ નંગ લીલા મરચાં
-1 ટીસ્પૂન આંબલીનો પલ્પ
-મીઠું સ્વાદ અનુસાર   

રીત

સૌપ્રથમ ટોમેટો ચટણી બનાવવા માટે એક કડાઈમાં તેલ ગરમ કરો. તેમાં ચણા દાળ ઉમેરીને શેકો. ચણા દાળ લાઈટ બ્રાઉન રંગની થાય એટલે તેમાં લાલ સૂકાં મરચાં ઉમેરીને શેકો. મરચાં શેકાય એટલે તેને ડિશમાં કાઢીને ઠંડા થવા દો. હવે એ જ પેનમાં સમારેલા ટામેટા ઉમેરીને સાંતળો. તે નરમ બને ત્યાં સુધી સાંતળો. હવે તેમાં આંબલીનો પલ્પ ઉમેરીને સાંતળો. હવે તેને ગેસ બંધ કરીને ઠંડું થવા દો. હવે આ બધી જ સામગ્રીને મિક્સરમાં ઉમેરીને સાંતળો. જરૂર પ્રમાણે પાણી ઉમેરીને સ્મૂધ અને ઘટ્ટ ચટણી બનાવો. ગ્રીન કોકોનટ ચટણી બનાવવા માટે બધી જ સામગ્રીને મિક્સરમાં ઉમેરીને જરૂર પ્રમાણે પાણી ઉમેરીને ગ્રાઈન્ડ કરો. ત્યારબાદ તેને પણ એકબાજુ પર મૂકી દો.   હવે ત્રણ કપ ઈડલીના ખીરાને ત્રણ અલગ-અલગ વાટકીમાં રાખો. એક વાટકીમાં ટોમેટો ચટણી અને બીજી વાટકીમાં ગ્રીન ચટણી ઉમેરીને બરાબર મિક્સ કરી લો. ત્રીજી વાટકીના ખીરાને સફેદ રંગનું જ રાખવું.  હવે ઈડલીની થાળીને તેલ લગાવીને ગ્રીસ કરી લો. પહેલી વખત કેસરી રંગની ઈડલી ઉતારો. બીજી વખત ગ્રીન રંગની ઈડલી ઉતારો. અને ત્રીજી વખત સફેદ રંગની ઈડલી ઉતારો. તમારી ટ્રાય કલર ઈડલી તૈયાર છે. કોકોનટ ચટણી સાથે સર્વ કરો.