હેલ્થ / સવારના નાસ્તામાં ટ્રાય કરો આ હેલ્ધી ફૂડઃ તબિયત રહેશે ટનાટન

• સવારના નાસ્તામાં કરો હેલ્ધી ફૂડનું સેવન 
• દિવસભર રહેશે એનર્જેટિક
• જાણો હેલ્થ ફાયદાઓ વિશે 

સ્વસ્થ જીવન માટે સ્વસ્થ આહાર ખૂબ જ જરૂરી છે અને સ્વસ્થ આહારમાં સવારના નાસ્તાનું ખૂબ મહત્ત્વ છે. તમે સવારના નાસ્તામાં જેટલું વધુ હેલ્ધી ફૂડ લેશો, તમારું સ્વાસ્થ્ય એટલું જ સારું રહેશે. જો તમે સવારના નાસ્તામાં પૌષ્ટિક તત્ત્વોથી ભરપૂર ખોરાક લેશો તો તે દિવસભર એનર્જી આપવાનું કામ કરશે અને તમારે દિવસભર વારંવાર ખાવાની જરૂર પણ નહીં પડે. અહીં કેટલાંક હેલ્ધી બ્રેકફાસ્ટ ફૂડ્સ છે, જે તમારા સ્વાસ્થ્ય માટે ખૂબ જ ફાયદાકારક સાબિત થઈ શકે છે.

ઇંડાં
ઈંડાં પોષક તત્ત્વોથી ભરપૂર હોય છે. પ્રોટીનનો સૌથી મોટો સ્રોત હોવાના કારણે સવારના નાસ્તામાં ઈંડાંનું ઘણું મહત્ત્વ છે. ઈંડાથી પેટ ભરેલું લાગે છે. તેનાથી દિવસભર ખાવાની ઈચ્છા ઓછી થાય છે. તે બ્લડ શુગર અને ઈન્સ્યુલિનના સ્તરને નિયંત્રિત કરે છે. તે એક એ‌િન્ટઓ‌િક્સડેન્ટ છે, જે આંખના રોગો સામે રક્ષણ આપે છે.

છાશ 
છાશ ખૂબ સ્વાદિષ્ટ અને થોડી ક્રીમી પણ હોય છે. છાશમાં કેલરી ઓછી હોય છે, પરંતુ પ્રોટીન વધુ હોય છે. પ્રોટીન હોવાના કારણે છાશનું સેવન કર્યા પછી ભૂખ ઘણી ઓછી લાગે છે. છાશના સેવનથી મેટાબોલિક ક્રિયા ઝડપથી થાય છે. વજન ઘટાડવા માટે પણ છાશ ફાયદાકારક છે. સવારના નાસ્તામાં છાશનો ઉપયોગ કરવાથી પાચનશક્તિ વધી જાય છે

કોફી
દિવસની શરૂઆત કોફીથી કરવી સારી મનાય છે, તેમાં ઉચ્ચ માત્રામાં કેફીન હોય છે, જે મૂડને ફ્રેશ કરે છે. સવારે કોફી પીવાથી દિવસભર તાજગી રહે છે, જોકે કેફીનની થોડી માત્રા જ ફાયદાકારક છે. કેફીનમાં એ‌િન્ટઓ‌િક્સડેન્ટ પણ હોય છે, જે કોષોની અંદર બળતરા નથી થવા દેતા.

ઓટમીલ
પોષક તત્ત્વોથી ભરપૂર ઓટમીલ સવારના નાસ્તા માટે ઉત્તમ ખોરાક છે, તેમાં બીટા ગ્લુકેન હોય છે, જે કોલેસ્ટ્રોલ ઘટાડવામાં ફાયદાકારક છે, તેમાં ફાઈબર પણ હોય છે, જે પાચનતંત્રને સ્વસ્થ રાખે છે. ઓટ્સમાં ઘણા પ્રકારના એ‌િન્ટઓ‌િક્સડેન્ટ જોવા મળે છે, જે શરીરને ફેટી એસિડથી બચાવે છે.

તકમ‌િરયાં
અનેક પ્રકારનાં પૌષ્ટિક તત્ત્વોયુક્ત 'તકમ‌િરયાં'ને સુપર ફૂડ કહેવામાં આવે છે. તકમ‌િરયાં સવારના નાસ્તા માટે ઉત્તમ ખોરાક છે, કારણ કે તેમાં ફાઇબર રહેલું છે, જે દિવસભર ભૂખ ઘટાડવામાં મદદ કરે છે. ૨૮ ગ્રામ તકમ‌િરયાંમાં ૧૧ ગ્રામ ફાઈબર હોય છે.