કામની વાત / ઓછી મહેનતે ચમકશે તમારું ઘર, દિવાળીની સફાઈ કરવા અજમાવો આ સરળ ટ્રિક્સ

દિવાળીનો તહેવાર ધામધૂમથી ઉજવાય છે.  તહેવાર પહેલા લોકો ઘરની સફાઈ પણ કરાવતા હોય છે. આ સફાઈ દરમિયાન ઘરનું ઘણું કામ ફેલાય છે. જેમાં પડદા ધોવાથી લઈને રસોડાના ફ્લોર, સ્લેબ અને ચીમનીમાંથી સ્ટીકી લેયરને દુર કરવા માટે ઘણી મહેનત કરવી પડે છે. આ સ્થિતિમાં કેટલીક સરળ ટ્રિકથી તમે ન માત્ર પરેશાનીથી બચી શકો છો, પરંતુ મહેનત પણ ઓછી લાગે છે.

વધુ વાંચો : BSNLના યુઝર્સની બલ્લે બલ્લે! જલ્દી શરૂ થશે 5G સર્વિસ, ટેલિકોમ મંત્રીએ જણાવી તારીખ

• ઓર્ગેનાઈઝ રીતે કરો કામ
  સફાઈ દરમિયાન અને બાદમાં અમુક વસ્તુઓ નથી મળતી હોતી. આથી અનેક તકલીફ પડે છે અને સમયનો પણ બગાડ થાય છે, તેથી ઓર્ગેનાઈઝ રીતે કામ કરવું જોઈએ. આ માટે, કેટલાક કાર્ટૂન (કાર્ડબોર્ડ બોક્સ) લો. આ બૉક્સમાં બધી વસ્તુઓ પૅક કરો અને દરેક બૉક્સમાં કઈ વસ્તુઓ રાખવામાં આવી છે તે દર્શાવતા સ્ટીકરો લગાવો. મોટા ભાગના લોકો ઘરની તમામ વસ્તુઓને એકસાથે નિકાળી દેવાની ભૂલ કરે છે. જો ઘરમાં એક કરતા વધારે રૂમ હોય તો એક બાદ એક સફાઈ અને કલરકામ કરાવો. જ્યારે એક રૂમ સાફ અને રંગાઈ જાય, ત્યારે તેની સામગ્રી સેટ કરીને અને પછી બીજા રૂમની કામગીરી હાથ ધરો.

• પિત્તળ અને તાંબાના વાસણો

દિવાળીની સફાઈ દરમિયાન તાંબા અને પિત્તળના વાસણોને પણ સાફ કરવામાં આવે છે. જેમાં ઘણી મહેનત કરવી પડે છે. તાંબા અને પિત્તળના વાસણો સાફ કરવા પાણીમાં સાઇટ્રિક એસિડ એટલે કે લીંબુનો અર્ક નાખો. તેમાં થોડું વિનેગર એડ કરો, આ પાણીમાં તાંબા અને પિત્તળના વાસણોને થોડી વાર રહેવા દો. બાદમાં તેને સ્ક્રબરથી સાફ કરો. બાદમાં તમારા વાસણો ચમકવા લાગશે.

વધુ વાંચો : તમે નથી કરતાને આવી ભૂલો? સેક્સ સમયે કોન્ડોમનો ઉપયોગ છતા પણ ગર્ભ રહેવાનો ખતરો!

• પડદા સાફ કરવાની ટ્રિક

ઘરની બારીઓ અને દરવાજા પરના પડદા ધોવા હોય તો પહેલા ગરમ પાણી કરો અને વાઈટ વિનેગરની સાથે ડિટર્જન્ટ પાવડર મિક્સ કરીને તેને પલાળી રાખો. બાદમાં તેને મશીનમાં કે હાથથી ધોવાથી બધી ગંદકી સરળતાથી દૂર થઈ જશે અને પડદા નવા જેવા દેખાવા લાગશે.

• રસોડાના ફ્લોર પરના ચીકણા ડાઘ

રસોડાની ચીમની, દિવાલો અને ફ્લોર પરના સ્ટીકી સ્ટેનને સાફ કરવા ઘણી મેહનત કરવી પડતી હોય છે. આ સમસ્યાથી છુટકારો મેળવવા માટે એક કપ બેકિંગ સોડા લો અને તેમાં વિનેગર મિક્સ કરો. ફ્લોર પર જ્યાં પણ ડાઘા હોય ત્યાં આ મિશ્રણને નાખો અને થોડીવાર માટે છોડી દો. આનાથી ડાઘ સરળતાથી સાફ થઈ જશે. ચીમનીની ચીકણાસને સાફ કરવા માટે લીંબુ, ખાવાનો સોડા, વિનેગર, ડીટરજન્ટ અને હૂંફાળા પાણીનું મિશ્રણ બનાવો. આ સોલ્યુશનથી ચીમની સાફ થઈ જશે.

• કોકરોચ અને બીજા જંતુઓ

રસોડામાં વંદા આવતા હોય છે, જ્યારે ઘરના ખૂણામાં વધુ ભેજ હોય છે ત્યારે વંદા અને જંતુઓનું પ્રમાણ વધી જાય છે. તેનાથી છૂટકારો મેળવવા માટે લવિંગની પેસ્ટને ગરમ પાણીમાં મિક્સ કરો અને તેને એવી જગ્યાએ છોડી દો જ્યાં કોકરોચ હોય.