રેસિપિ / મકાઈનો સાદો રોટલો ખાઈને કંટાળ્યા છો તો હવે ટ્રાય કરો આ ટ્વિસ્ટ, પડશે જલસો

મસાલા મકાઈના રોટલા

સામગ્રી

• ૧ વાડકી મકાઈનો લોટ
• ૨ ચમચી આદુ મરચા લસણની પેસ્ટ
• ૨ ચમચી ઝીણી સમારેલી કોથમીર
• સ્વાદ અનુસાર મીઠું

• જરૂર મુજબ પાણી

રીત

સૌપ્રથમ એક બાઉલમાં મકાઈનો લોટ લો. તેમાં આદુ-મરચા, લસણની પેસ્ટ, ઝીણી સમારેલી કોથમીર અને સ્વાદ અનુસાર મીઠું ઉમેરીને મિક્સ કરો. હવે તેમાં પાણી અને થોડું તેલ પણ ઉમેરી લો. હવે તેનો લોટ બાંધો. પછી તેના લુઆ કરો. આડણી ઉપર થોડો કોરો મકાઈનો લોટ ભભરાવી લો અને પછી આ મસાલા વાળો રોટલો વણો. તવીને ગરમ કરવા મૂકો. હવે તવી ગરમ થાય એટલે તેની પર તેલ લગાવી લો. તેમાં રોટલો મુકો અને બે બાજુથી સરસ શેકી લો. પરોઠાની જેમ તેલથી તળી લો. થોડો કડક થવા દેવો, તો તેની મજા અને સ્વાદ અલગ જ આવશે. તૈયાર છે તમારા મસાલા મકાઈના રોટલા. તેને તમે દહીં કે ચા સાથે અથવા તો કાયમ ઘરમાં રહેતી ગ્રીન ચટણી સાથે પણ સર્વ કરી શકાય છે.