રેસિપી / ડિનરમાં કંઈ અલગ બનાવવાનો પ્લાન છે તો ટ્રાય કરી લો આ સ્પેશ્યિલ પુલાવ, મળશે અનેક ફાયદા

સ્પ્રાઉટ્સ પુલાવ

સામગ્રી

- બે કપ ચઢવેલા બ્રાઉન રાઇસ 
- એક કપ પલાળેલા મિક્સ સ્પ્રાઉટ્સ 
- એક નંગ સમારેલી ડુંગળી 
- એક ટીસ્પૂન લસણની પેસ્ટ 
- એક ટીસ્પૂન આદુ-મરચાંની પેસ્ટ
- એક નંગ સમારેલાં ટામેટાં 
- એક નંગ સમારેલાં કેપ્સિકમ 
- મીઠું સ્વાદ પ્રમાણે
- એક ટીસ્પૂન હળદર 
- એક ટીસ્પૂન લાલ મરચું
- એક ટીસ્પૂન પાઉંભાજી મસાલો 
- એક ટીસ્પૂન જીરું 
- બે ટીસ્પૂન તેલ 
- એક ટીસ્પૂન સમારેલી કોથમીર
- અડધો કપ પાણી 

રીત

એક નોનસ્ટિક પેનમાં તેલ ગરમ કરી જીરું અને સમારેલી ડુંગળી નાંખી ગોલ્ડન બ્રાઉન થવા દો. પછી તેમાં લસણની પેસ્ટ, આદુ-મરચાંની પેસ્ટ, હળદર, લાલ મરચું અને સમારેલાં ટામેટાં નાંખી થોડી વાર શેકો. તેમાં સહેજ પાણી નાખી ટામેટાંને સરખી રીતે બોઈલ થઈ જવા દો. હવે તેમાં સમારેલાં કેપ્સિકમ નાંખી પકવો. ત્યારબાદ પાઉંભાજી મસાલો, મીઠું, પલાળેલા સ્પ્રાઉટ્સ અને બ્રાઉન રાઇસ નાંખી ૧૦ મિનિટ પકવો. બ્રાઉન રાઇસ સરખી રીતે બોઇલ થઈ જાય એટલે તેને સમારેલી કોથમીરથી ર્ગાનિશ કરી ગરમ ગરમ સર્વ કરો.