રેસિપી / ઘરની વસ્તુઓથી તરત જ તૈયાર કરી લો આ ખાસ ગરમા ગરમ ડિશ, શિયાળામાં પડશે જલસો

• ઘરે બનાવો હેલ્ધી પકોડા
• ઓનિયન પકોડા આપશે શિયાળામાં મજા
• સરળ રેસિપીથી બનાવી લો આજે જ

કોઈ મહેમાન મળવા માટે આવી જાય તો તમે એમને પણ નાસ્તામાં ભજીયા પીરસી શકો છો. કોઈ પણ કારણ ના હોય તો પણ, આ ભજીયા જોયા બાદ તમે તમારી જાતને કંટ્રોલ નહીં કરી શકો. બસ તો આજે પણ થઈ જાવ તૈયાર આવા જ સરસ અને સ્વાદિષ્ટ પકોડાની મહેફિલ માણવા માટે. 

ક્રિસ્પી ઓનિયન પકોડા

સામગ્રી

-1/2 કપ ચણાનો લોટ
-1/2 કપ ચોખાનો લોટ
-2 નંગ ડુંગળી સમારેલી
-1 ટીસ્પૂન બટર અથવા તો ઘી
-1 ચપટી સોડા
-1/2 ટીસ્પૂન આદુંની પેસ્ટ
1 નંગ લીલું મરચું સમારેલું
-મીઠું સ્વાદાનુસાર
-તેલ તળવા માટે
-મીઠો લીમડો 

રીત

સૌપ્રથમ ડુંગળીની પાતળી સ્લાઈસ કરી લો. એક મોટા મિક્સિંગ બાઉલમાં ચણાનો લોટ અને ચોખાનો લોટ ઉમેરીને બરાબર મિક્સ કરી લો. હવે લીલા મરચાની પેસ્ટ કરી લો. હવે આ લોટમાં ડુંગળી, મીઠું, આદુંની પેસ્ટ, લીલા મરચાંની પેસ્ટ, મીઠો લીમડો, ઘી અથવા તો બટર અને કોથમીર ઉમેરીને બરાબર મિક્સ કરી લો. આ મિશ્રણને બરાબર મિક્સ કરીને 10 મિનિટ માટે સાઈડ પર મૂકી રાખો. ડુંગળીમાંથી પાણી છુટશે એટલે તેમાં વધારાનું પાણી ઉમેરવાની જરૂર નથી. ડુંગળીના પાણીથી બાઈન્ડિંગ થઈ જશે. તેમ છતાં જો જરૂર લાગે તો તમે તમારી જરૂરિયાત મુજબ પાણી ઉમેરી શકો છો. હવે એક નોન સ્ટિક કડાઈમાં તેલ ગરમ કરો. તેલ ગરમ થાય એટલે તેમાં ધીમા તાપે તૈયાર કરેલા મિશ્રણમાંથી પકોડા ઉતારો. ધીમા તાપે તળવાથી પકોડા વધારે ક્રિસ્પી થશે. ગરમા-ગરમ પકોડાને ગ્રીન ચટણી, સોસ અને ચા સાથે સર્વ કરો.