રેસિપી / આજે ટ્રાય કરી લો આયર્નથી ભરપૂર આ ખાસ ડિશ, હેલ્થ માટે છે બેસ્ટ

• શિયાળામાં ટ્રાય કરી લો આ ખાસ ડિશ
• પાલક પુલાવની રેસિપી આવશે તમને પસંદ
• હેલ્થ અને ટેસ્ટમાં પણ બેસ્ટ છે આ પુલાવ

પાલક પુલાવને તમે સાદા દહીં સાથે, પાપડ સાથે કે પછી વઘારેલા દહીં સાથે પણ માણી શકો છો. પાલક પુલાવ ટેસ્ટમાં તો સારો લાગે છે પણ તેમાં પાલકના ખાસ ગુણ આવી જવાથી તે હેલ્થ માટે પણ સારો રહે છે. તો આજે જ બીજું કંઈ ખાસ બનાવવાની ઈચ્છા ન હોય તો તમે આ પુલાવ ટ્રાય કરી લો તે યોગ્ય છે. 

ગ્રીન પાલક પુલાવ

સામગ્રી

- એક કપ લીલા વટાણા 
- ત્રણ કપ ચોખા 
- એક ઝૂડી પાલકની ભાજી 
- બે ટીસ્પૂન ઘી 
- એક કપ સમારેલી લીલી ડુંગળી 
- આદું, એક નાનો ટુકડો - ત્રણ નંગ મરચાં 
- એક કપ સમારેલી કોથમીર
- એક કપ સમારેલી ડુંગળી 
- લવિંગ
- તજ
- મીઠું સ્વાદ અનુસાર 

રીત

ચોખા ધોઇને બે કલાક પલાળી રાખો. પેસ્ટ તૈયાર કરો. પાલકનો પલ્પ બનાવો. એક વાસણમાં ઘી ગરમ કરીને પેસ્ટ સાંતળો, તેમાં ડુંગળી સાંતળો અને ચોખા નિતારીને સાંતળી લો. વટાણા ઉમેરો. તેને સાંતળીને પાલકનો પલ્પ અને મીઠું નાખી છુટા ભાત તૈયાર કરો. પુલાવ તૈયાર થઇ જાય એટલે આંચ પરથી ઉતારી લો. એક વાસણમાં ઘી ગરમ કરીને જીરું-તજ-લવિંગ, લીલી ડુંગળી સાંતળો અને તેને પુલાવમાં મિકસ કરીને બાઉલમાં કાઢો. કોથમીર ભભરાવીને સર્વ કરો.