રેસિપી / દ. ભારતની આ સરળ, સ્વાદિષ્ટ, ચટપટી વાનગી સંતોષશે તમારી ભૂખ, આજે કરી લો ટ્રાય

• નાસ્તામાં બનાવી લો આ ખાસ ડિશ
• મસાલા રવા ઈડલી છે બેસ્ટ ઓપ્શન
• હેલ્ધી અને સ્વાદિષ્ટ ડિશથી ભરાશે પેટ

આજે અમે તમારા માટે સરળ, સ્વાદિષ્ટ અને ચટપટી ઈડલીની રેસિપી લઈને આવ્યા છીએ. જેમાં મસાલા રવા ઈડલી બેસ્ટ ઓપ્શન છે. ઈડલી આમ તો દક્ષિણ ભારતીય વ્યંજન છે. પણ આપણે ગુજરાતીઓને ટેવ હોય છે કે જે સારૂં હોય તેને ઝડપથી આપણું બનાવી લેવુ. આથી ઈડલી પણ હવે દરેક ગુજરાતી પરિવારનો હિસ્સો બની ગઈ છે. તો હવે તમે પણ આ મસાલા ઈડલીને નાસ્તામાં ટ્રાય કરી શકો છો. 

મસાલા રવા ઈડલી

સામગ્રી

-1 કપ રવો
-1/2 કપ ઘટ્ટ ખાટી છાશ
-1 ચમચો કાજુના ટુકડા
-2 ચમચા આદું-મરચાંની પેસ્ટ
-1/4 ચમચી સોડા 
-2 ચમચા તેલ
-1 ચમચી અડદ દાળ
-1/2 ચમચી રાઈ
-1 ચપટી હિંગ
-6 થી 8 લીમડાના પાન
-મીઠું સ્વાદાનુસાર 

રીત

સૌપ્રથમ રવાને શેકી ને છાશમાં બેથી ત્રણ કલાક માટે પલાળી લો. હવે રવાના ખીરામાં મીઠું અને આદું-મરચાંની પેસ્ટ નાખીને બરાબર મિક્સ કરીને થોડીવાર માટે ઢાંકીને મૂકી રાખો. ત્યાર બાદ છેલ્લે ખાવાનો સોડા નાખીને બરાબર મિક્સ કરીને ઈડલી ઉતારો. હવે તેલ ગરમ કરી વઘાર તૈયાર કરો. કાજુના ટુકડા સહેજ ગુલાબી રંગના તળી લો. કાજુના ટુકડા એકબાજુ પર મૂકો. હવે એ જ તેલમાં રાઈ ઉમેરો. રાઈ ફૂટે એટલે તેમાં હિંગ નાખીને અડધી મિનિટ સાંતળો. ત્યાર બાદ તેમાં અડદની દાળ અને મીઠો લીમડો નાખીને બરાબર સાંતળીને તેને ઈડલી પર નાખી દો. તૈયાર છે સરસ મજાની મસાલેદાર ઈડલી.