જો તમે ફૂડી નેચર ધરાવો છો તો તમે આ કોફ્તા પેકેજ પર હાથ અજમાવી શકો છો. તો ઘરે જ ફટાફટ ટ્રાય કરી લો આ રેસિપી.
ઘરે જ બનાવો ખાસ વાનગી
ટેસ્ટી અને હેલ્ધી ડિશ આપશે મજા
કોફ્તા રેસિપી બનાવશે દિવસને મજેદાર
સુપર ટેસ્ટી મેવાડી કોફ્તા
સામગ્રી
- બસો ગ્રામ બાફેલા બટાકા
- પચાસ ગ્રામ બાફેલા વટાણા
- પચાસ ગ્રામ બાફેલું ફ્લાવર
- પચાસ ગ્રામ ફણસી
- એક નાની ચમચી મકાઈનો લોટ
- ચાર નંગ બાફેલા ટામેટાં
- એક બાફેલો કાંદો
- ચાર નંગ લસણની પેસ્ટ
- અડધી ચમચી લાલ મરચાંનો પાઉડર
- અડધી ચમચી હળદર પાઉડર
- અડધી ચમચી ખાંડ
- બે ચમચી ગરમ મસાલો
- મીઠું સ્વાદ પ્રમાણે
રીત
બાફેલા શાકને અધકચરા મસળી તેમાં લાલ મરચાંનો પાઉડર, હળદર પાઉડર, ગરમ મસાલા પાઉડર, ખાંડ, મીઠું તથા મકાઈનો લોટ મિક્સ કરો. એક સરખા ગોળા વાળી સોનેરી રંગના થાય ત્યાં સુધી તળી લો. એક કડાઈમાં નાનો ચમચો તેલ નાંખી તેલ ગરમ થાય એટલે તેમાં જીરું નાંખવું. જીરાનો વઘાર કર્યા પછી તેમાં કાંદા-લસણની પેસ્ટ નાંખી સાંતળો. પેસ્ટ સોનેરી રંગની થાય ત્યાં સુધી તળી તેમાં લાલ મરચાં પાઉડર, હળદર, ધાણાજીરા પાઉડર, મીઠું તથા એક મોટો ચમચો પાણી નાંખી બરાબર પકાવવું. ત્યારબાદ બાફેલા ટામેટાંની પ્યુરી બનાવવી તેમાં નાંખી પાંચ મિનિટ ધીમા તાપે પકાવવું. બે ચમચી ફ્રેશ ક્રીમ નાંખવું. પીરસતી વખતે કોફ્તા ગ્રેવીમાં નાંખી પીરસવા.