શિયાળાની સીઝન આવે એટલે હાથની ચામડી, હોઠ અને એડીઓ ફાટવાની સમસ્યા વધી જતી જોવા મળે છે. જો તમે પણ આ સમસ્યાથી હેરાન થાવ છો અને તમારી એડીઓને સુંદર દેખાડવા માંગો છો તો તમારે તેને માટે કંઈ ખાસ કરવાની જરૂર નથી. તમે ઘરે જ એક સરળ સ્ક્રબ બનાવીને આ સમસ્યામાંથી છૂટકારો મેળવી શકો છો.
ફાટેલી એડીઓ માટે અપનાવો આ ઘરેલૂ ઉપાય
ઘરેલૂ સ્ક્રબથી મેળવી લો છૂટકારો
ચોખા અને મધના સ્ક્રબથી એડીઓ બનશે સુંદર
અનેક ઉપાયો કરવા છતાં પણ તમારી એડીઓ ફાટેલી રહે છે. તો તમે ચિંતામાં રહો છો. ક્રીમ, ગરમ પાણી, મોજાં પહેરવા, રાતે વેસેલિન લગાવવું આ દરેક ઉપાયો કરવા છતાં પણ જો તમને સફળતા ન મળતી હોય તો તમે આ ઘરે બનાવેલો સ્ક્રબ યૂઝ કરી શકો છો. તે તમારી એડીઓમાં ફરી નવી સુંદરતા ભરી દેશે.
લગાવો ચોખા અને મધથી બનાવેલું સ્ક્રબ
ફાટેલી એડીઓથી છુટકારો મેળવવા માંગો છો તો તમે ચોખા અને મધથી તૈયાર કરેલું ફૂટ સ્ક્રબ થોડાક દિવસો સુધી એડીઓ પર લગાવી જુઓ. તેનાથી એડીઓ નરમ અને મુલાયમ થઇ જશે.
આ રીતે તૈયાર કરો ચોખા અને મધનું ફૂટ સ્ક્રબ અને તેને લગાવવાની રીત.
3 ચમચી થોડાક દાણાદાર પીસેલા ચોખા અને એક ચમચી મધ લો. હવે ચોખા અને મધને એક સાથે મિક્સ કરી લો. તેમની પેસ્ટ બનાવીને ફાટેલી એડી પર લગાવો. આંગળીની મદદથી આરામથી ફાટેલી એડીઓ પર લગાવો. થોડો સમય તેને એમ જ રહેવા દો. હવે તેને પાણીથી ધોયા પછી તેના પર મૉસ્ચુરાઈઝર લગાવો.
ઝડપથી થશે ફાયદો
ચોખા અને મધનું મિશ્રણ ફાટેલી એડીઓ પર ખુબજ ઝડપથી અસર કરે છે. મધ ખૂબ જ સારું મૉસ્ચુરાઈઝર છે જ્યારે પીસેલા ચોખા સ્ક્રબનું કામ કરે છે. જે એડીઓને એક્સફોલિએટ કરે છે. આ સ્ક્રબનો વપરાશ અઠવાડિયામાં એક થી બે વાર જરૂરથી કરો. તમારી એડીઓમાં નવી ચમક આવી જશે અને દર્દથી પણ રાહત મળશે.