વાનગી / આજે જ બનાવો ભૂલાતી જતી આ ગુજરાતી વાનગી, દાઢમાં રહેશે સ્વાદ

• બનાવો આ પરંપરાગત વાનગી
• નાસ્તા માટે બેસ્ટ છે મેથીના વડા
• શિયાળામાં પડશે મજા

જે તમે ટ્રાય કરીને ગુજરાતી ચટકારાને પણ માણી શકો. આ ભોજન તમારા પરિવારને માટે પચવામાં હલકું અને હેલ્થને માટે પણ સારું હોઇ શકે છે. તો આજે જ કરો ટ્રાય.

મેથીના વડા
 
સામગ્રી

-એક કપ સમારેલી મેથી
-એક કપ બાજરાનો લોટ
-પા કપ જુવારનો લોટ
-એક ચમચો બેસન
-એક ચમચી લાલ મરચું પાઉડર
-પા ચમચી હિંગ
-બે ચમચા દહીં
-એક ચમચો આદુ-લીલા મરચાની પેસ્ટ
-દોઢ ચમચી લસણની પેસ્ટ
-એક ચમચી ખાંડ
-મીઠું સ્વાદ મુજબ
-પાંચ ચમચી તેલ
 

રીત

બધી સામગ્રીને ત્રણ ચમચા તેલ સાથે એક બાઉલમાં મિક્સ કરીને જરૂર મુજબ પાણી રેડી સોફ્ટ લોટ બાંધી લો. હથેળીમાં તેલ લગાવી તેમાંથી થોડો થોડો લોટ લઈને થેપીને નાના નાના વડા બનાવી લો. તવીને ગરમ કરી તેમાં અડધી ચમચી જેટલું તેલ લગાવીને એકસાથે 5-6 વડા મધ્યમ તાપે ગોલ્ડન બ્રાઉન થાય તે રીતે બન્ને બાજુ શેકી લો. તૈયાર છે ગરમાગરમ મેથીના વડા.