ગુજરાત આવવાનો પ્લાન બનાવી રહ્યા છો અથવા તો તમે અન્ય શહેરના છો અને ગુજરાતમાં રહો છો તો તમારે અહીંની ગુજરાતી દાળ ખાઈ લેવી જરૂરી છે.
ટ્રાય કરો ગુજરાતની આ ખાસ વાનગી
બનાવી લો ગુજરાતી દાળ
ટેસ્ટ અને હેલ્થમાં છે બેસ્ટ
સામગ્રી
- એક કપ તુવેરની દાળ
- ચાર કપ પાણી
- પ્રમાણસર મીઠું
- પોણી ચમચી લાલ ખાંડલુ મરચું
- પા ચમચી હળદર
- પા ચમચી ગરમ મસાલો
- છ નંગ લોનાવાલા કોકમ
- થોડોક ગોળ
- દસ નંગ કાચા શિંગદાણા
વઘાર માટે
- બે ટીસ્પૂન તેલ
- પા ચમચી રાઇ
- બે નંગ લવિંગ
- ચપટી હીંગ
- પ્રમાણસર કોથમીર
- ત્રણ નંગ લીલા મરચાં
- એક નંગ ટામેટું
- એક મિડિયમ કાકડી
- એક ચમચી લીંબુનો રસ
રીત
સૌ પ્રથમ દાળ ધોઇને એક કલાક પલાળો. પ્રેશર કુકરમાં ત્રણ સીટી વગાડો. ઠંડું પડે પછી કુકર ખોલી દાળને ઝેરવી એકરસ કરી ગેસ પર ઉકાળવા મુકો. ઉપર મુજબનો મસાલો નાંખી વઘાર કરો અને થોડી ઊકળે પછી ગોળ, લીંબુ, કોથમીર, કાકડી, ટામેટા વગેરે જે હોય તે નાંખો. સ્વાદિષ્ટ દાળ તૈયાર થશે.
તુવેરની દાળ ખાવાના આ છે ફાયદા
તુવેરની દાળ ફાઈબરનો સારો સોર્સ માનવામાં આવે છે. તેનાથી ખોરાક સારી રીતે પચે છે ને પેટના દુઃખાવવાની સમસ્યા રહેશે નહીં. તે પ્રોટીનનો પણ સારો સોર્સ હોવાથી બાલકોના વિકાસને મદદ કરે છે. પેટની સમસ્યા રહેતી હોય તો તે લાઈટ ફૂડ ગણવામાં આવે છે. તુવેરની દાળને ભાત સાથે ખાવું ખૂબ જ ફાયદારૂપ માનવામાં આવે છે. ગુજરાતમાં આ દાળ ખૂબ જ વખણાય છે.