રેસિપી / વરસાદની સીઝનમાં એકલ દોકલ વાનગી ખાવાનું મન છે, તો પ્લાન કરી લો આ હેલ્ધી ગુજરાતી ડિશ

સામગ્રી

• 2 કપ ચોખા
• તુવેરની દાળ અને અડદની દાળ, મગની દાળ, ચણાની દાળ (આ બધી સામગ્રી મળીને 1 કપ)
• ખાટું દહીં 
• લીલા મરચાં 10-12 ચમચાં
• આદુનો એક નાનો ટુકડો
• દૂધી 250 ગ્રામ
• 100 ગ્રામ તેલ
• 1 ચમચી લાલ મસાલો

• લીંબુનો રસ
• ખાવાનો સોડા
• 1/2 ચમચી હળદર
• 2 ચમચી રાઈ
• 2 ચમચી તલ
• ખાંડ ત્રણ ચમચી
• 2 ચમચી અજમો 
• અડધી ચમચી મેથી દાણા
• 1/2 ચમચી હિંગ
• મીઠુ પ્રમાણસર

(નોંધ- અહીં તમે તમને ગમતા તમામ શાક તેમાં મિક્સ કરી શકો છો. જેમકે લસણ, ડુંગળીની પેસ્ટ, ગાજરનું છીણ, વટાણા અધકચરા ક્રશ કરીને, કોથમીર.)

બનાવવાની રીત

ચોખા અને બધી પ્રકારની દાળને ભીના કપડાંથી લૂંછી નાખો. હવે તેનો કકરો લોટ દળો. લોટ તૈયાર થાય એટલે તેમાં ખાટું દહીં, ગરમ પાણી વગેરે મિક્સ કરો. આ મિશ્રણને 7 થી 8 કલાક આથો આવવા માટે ઢાંકી મુકો. આથો આવ્યા પછી તેમાં તેલ, લીંબુનો રસ, ખાવાનો સોડા, ખાંડ, લાલ મસાલો, આદુ મરચાંની પેસ્ટ છીણેલી દૂધી (પાણી દબાવીને કાઢી નાખવુ) હળદર, મીઠું નાંખીને મિક્સ કરો. 

હવે એક ડબ્બામાં કે હાંડવાના કૂકરમાં તેલ લગાવી આ ખીરું પાથરો. કઢાઈમાં પાંચથી છ ચમચી તેલ નાંખીને તેને ગરમ કરો. તેમાં રાઈ નાખો. હવે તલ, અજમો, મેથી અને હિંગ નાંખો. થોડુ લાલ થયા પછી તેને ખીરાં પર પાથરી દો. હવે હાંડવાના કૂકરને ઢાંકીને નીચે ધીમા ગેસ પર અડધો પોણો કલાક સુધી થવા દો. મસ્ત ગરમા ગરમ હાંડવો તૈયાર થશે. તેની તમે ડિનરમાં પણ મજા લઈ શકો છો. વરસાદની આ સીઝનમાં આ વાનગી હેલ્ધી રહે છે અને સાથે ગરમાગરમ ખાઈ શકાય છે.