જો તમે ઉત્તરાયણમાં ચીકી, ઊંધિયું, ખીચડાની મજાની સાથે કંઇક વિશેષ કરવા ઇચ્છો છો તો આ નાસ્તો તમારી મદદ કરી શકે છે. ટેરેસ પર પતંગ દોરીની સાથે આ એકલ દોકલ વાનગી તમારી ઉત્તરાયણની મજાને વધારી દે છે. તમે અગાઉથી તૈયારી કરીને તહેવારની મજા માણી શકો છો. તો નોંધી લો દિલ્હી ચાટની રેસિપી અને માણો લિજ્જત.
ઉત્તરાયણે પ્લાન કરી લો આ નાસ્તો
પતંગ દોરીની સાથે માણો દિલ્હી ચાટની મજા
પહેલાથી જ કરી લો નાસ્તાની ખાસ તૈયારીઓ
ઉત્તરાયણના તહેવારમાં ટેરેસ પર પતંગની સાથે સાથે કંઈક નાસ્તો હોય તો મજા પડે છે. આ દિવસે ટેરેસ પર શેરડી, બોર, ચીકી, ઉંધિયું, પોંક અને અનેક અવનવા નાસ્તા પણ જોવા મળે છે. તો આ વર્ષે તમે પતંગની મજા માણવા ઈચ્છો છો તો પહેલાંથી જ આ સ્પેશ્યિલ દિલ્હી ચાટની તૈયારી કરી લો. તેનાથી તમારો દિવસ પણ બની જશે.
પાણીપુરીની પુરીનો ભુક્કો કરીને પ્લેટમાં તેના પર બાફેલા ચણાનું લેયર કરો અને તેની ઉપર બાફેલા બટેટાના ટુકડા ફેલાવો. તેના ઉપર લીલી ચટણી અને ખજુર-આમલીની ચટણી ફેલાવો. તેના ઉપર 3-4 પાપડી પુરીનું લેયર કરો. ફરી તેની ઉપર લીલી ચટણી અને ખજુર આમલીની ચટણી ઉમેરો અને તેની ઉપર દહીં પાથરો. તેની ઉપર લાલ મરચુ પાઉડર, ધાણાજીરૂ, જીરૂ પાઉડર અને ચાટ મસાલો ભભરાવો. સૌથી ઉપર કોથમીરથી ગાર્નિશ કરી તેને સર્વ કરો.