રેસિપિ / બટાકાના એકના એક શાકથી કંટાળ્યા છો તો ટ્રાય કરો આ ટ્વિસ્ટ, પડશે મજા

• બટાકાના શાકને આપો નવો ટ્વિસ્ટ
• ટ્રાય કરો દહીં આલુ સબ્જી
• પરિવારના લોકો થશે ખુશ

આ દહીં આલુની સબ્જી તમે ઘરની વસ્તુઓથી સરળ રીતે અને ઝડપથી બનાવી શકો છો. આ સાથે જ જો અચાનક મહેમાન આવી જાય તો આ સબ્જી તમને અલગ ટ્વિસ્ટ આપે છે અને સાથે તમે તેને ટ્રાય કરી શકો છો. તેને પરોઠા સાથે સર્વ કરી શકાય છે. 

સામગ્રી

• 2 નંગ મોટા બટાકા
• 1 વાટકી દહીં
• વઘાર અને બટાકા તળવા માટે તેલ
• ગરમ મસાલા
• આખા મસાલા
• લવિંગ
• તજ
• મોટી એલચી
• લાલ મરચા
• હિંગ
• આદુનો ટુકડો
• મરી પાવડર
• કોથમીર
• કસૂરી મેથી
• મીઠું સ્વાદ અનુસાર

આ રીતે બનાવો દહીં આલુની સબ્જી

દહીં આલુ બનાવવા માટે સૌ પહેલાં બટાકાને સારી રીતે ધોઈ અને બાફી લો. પછી તેને છોલી લો. 
હવે એક કઢાઈ લો અને તેમાં બટાકાને ફ્રાય કરવા માટે તેલ લો. ધીમા ગેસ પર દરેક બાફેલા બટાકાને તેમાં ગોલ્ડન બ્રાઉન થવા દો.
હવે એક બાઉલમાં ફ્રેશ દહીં લો. તેમાં કાશ્મીરી લાલ મરચું મિક્સ કરો અને દહીં એકરસ થાય ત્યાં સુધી તેને ફેંટો.
હવે એક કઢાઈમાં 2 ચમચી તેલ લો. તેમાં એક મોટી એલચી, 2 લવિંગ, 1 ઇંચ તજનો ટુકડો અને તમાલપત્ર નાંખો. હવે 30 સેકંડ સુધી તેને થવા દો. પછી તેમાં હીંગ, નાનો આદુનો ટુકડો અને કાપેલા લાલ મરચાં નાંખો. 
હવે જે કઢાઈમાં તમારા બટાકા છે. તેમાં આ દહીની પેસ્ટ મિક્સ કરો. હવે તેમાં મસાલો પણ મિક્સ કરી લો, તેને સતત હલાવો અને તેમાં સ્વાદ અનુસાર મીઠું અને મરી પાવડર સાથે ગરમ મસાલો મિક્સ કરો. 
હવે તેમાં ફ્રાય કરેલા બટાકા મિક્સ કરો. તેમાં કસૂરી મેથી અને કોથમીર ભભરાવીને તેને ગાર્નિશ કરો.