રેસિપિ / વરસાદમાં ચોક્કસથી ખાવાની મજા આવશે આ ચટપટી ગરમાગરમ સીઝનલ વાનગી, આજે જ કરો ટ્રાય

માર્કેટમાં મકાઈ સરળતાથી મળઈ રહી છે. વરસાદની સીઝન પણ દિવસમાં અનેક વાર કંઈ ચટપટું ખાવાનું મન બનાવી દેતી હોય છે. તો આ સમયે તમે મકાઈના સમોસા ટ્રાય કરી શકો છો. આ ગરમાગરમ નાસ્તો તમને કોઈ પણ સમયે મજા આપી શકે છે. તો નોંધી લો  ફટાફટ સરળ રેસિપી. 

મકાઈના સમોસા
 
સામગ્રી 
 
-21/2 વાડકી મેંદો
-1 વાડકી મકાઈના દાણા
-200 ગ્રામ બટાકા બાફેલા
-1 નાની ચમચી ધાણાજીરુ
-11/2 ચમચી તેલ
-1 નાની ચમચી આખા ધાણા
-1 નાની ચમચી સેકેલુ જીરુ
-1/2 ચમચી ગરમ મસાલો
-1/2 ચમચી લાલ મરચુ
-1/2 ચમચી આમચૂર
-મીઠું સ્વાદાનુસાર
-તેલ તળવા માટે
-થોડો ફુદીનો

 
રીત 
 
મેદામાં એક ચમચી મોણ નાખીને પાણીથી ગૂંથી લો. મકાઈના દાણાને ઉકાળી મસળી લો. બટાકા પણ ઉકાળી મસળી લો અને મકાઈની સાથે મિક્સ કરી દો. અડધી ચમચી તેલ ગરમ કરો. તેમા આખા ધાણા અને ધાણાજીરુ નાખો. બદામી થતા બધા મસાલા અને બટાકા અને મકાઈનુ મિશ્રણ મિક્સ કરો. ઠંડુ થવા દો. મેંદાના પેડા બનાવી ગોળ વણો, 2 ભાગમાં કાપો. દરેક અડધા ભાગમાં મિશ્રણ ભરી સમોસા બનાવી લો. તેલ ગરમ કરી ધીમા તાપે તળી લો. ચટણી સાથે સર્વ કરો.