રેસિપી / રવિવારને ખાસ બનાવશે મકાઈ અને પનીરની આ વાનગી, કરી લો ટ્રાય

• મકાઈની સાથે માણો પનીરનો સ્વાદ
• પનીર કોર્ન સબ્જીની રવિવારે માણો મજા
• જાણી લો ખાસ સ્વાદિષ્ટ રેસિપી

પનીર કોર્ન સબ્જી

સામગ્રી

- બસો ગ્રામ પનીર 
- બે કપ સ્વીટ કોર્ન
- એક કપ કેપ્સીકમ
- બે ટીસ્પૂન તેલ 
- બે ટીસ્પૂન જીરૂં 
- બે નંગ સમારેલી ડુંગળી 
- ત્રણ નંગ લીલાં મરચાં 
- પા ટીસ્પૂન હળદર 
- એક ચપટી ખાંડ
- અડધી ટીસ્પૂન ગરમ મસાલો 
- બે ટીસ્પૂન સમારેલી કોથમીર
- મીઠું સ્વાદ અનુસાર 
 

રીત

સૌપ્રથમ એક કડાઈમાં તેલ ગરમ કરી તેમાં જીરું નાખો. જીરું લાલ થાય એટલે ડુંગળી નાખી સાંતળી લો. ત્યારબાદ તેમાં લીલાં મરચાં, હળદર અને ખાંડ નાખી સાંતળી લો. હવે તેમાં સ્વીટ કોર્ન અને મીઠું નાખી ત્રણથી ચાર મિનિટ ચઢવા દો. પછી તેમાં સમારેલા પનીરના પીસ અને ગરમ મસાલો નાખી હળવા હાથે મિક્સ કરી લો. બધા મસાલા સરખી રીતે મિક્સ થઈ જાય એટલે તેને કોથમીરથી ગાર્નિશ કરી ગરમ-ગરમ સર્વ કરો.

આ શાક તમે ગ્રેવી વાળું પણ બનાવી શકો છો. ગરમાગરમ પરોઠાની સાથે તમે તેને સર્વ કરશો તો સૌ હોંશે હોંશે ખાશે. આ સિવાય જો તમને મકાઈના ટુકડા પસંદ હોય તો તમે તેને પહેલાં બોઈલ કરી શકો છો અને પછી પનીર સાથે મિક્સ કરીને તે રીતે પણ શાક બનાવી શકો છો.