ચોમાસાએ રંગ જમાવવાની શરૂઆત કરી છે ત્યારે માર્કેટમાં મકાઈ પણ આવી ચૂક્યા છે. જો તમે મકાઈની મદદથી ખાસ વાનગી બનાવવા ઈચ્છો છો તો તમે નાસ્તામાં કોર્ન હાંડવાની મજા માણી શકો છો. તો જાણી લો સિમ્પલ રેસિપી.
ચોમાસામાં બનાવો પરંપરાગત વાનગી
ઘરે જ બનાવી લો કોર્ન હાંડવો
બ્રેકફાસ્ટ બની જશે હેલ્ધી અને ટેસ્ટી
માર્કેટમાં મકાઈ મળતી થઈ ગઈ છે. ચોમાસાની સીઝનમાં જો તમે મકાઈને પસંદ ન કરતા હોવ તો તમે તેનો હાંડવો બનાવી શકો છો. મકાઈનો હાંડવો ગુજરાતની પરંપરાગત વાનગીઓમાંની એક છે. થોડા ટ્વિસ્ટ સાથે તમે પણ ઘરે જ આ હાંડવો બનાવી લેશો તો તમને મજા પડી જશે. આ એક ટેસ્ટી અને હેલ્ધી નાસ્તો હોઈ શકે છે.
સૌપ્રથમ ઓવનને ૧૮૦ ડિગ્રી પર ગરમ કરી લો. મકાઈના દાણા, કોથમીર, તલ, લીલાં મરચાંની પેસ્ટ, મીઠું નાખી મિક્સ કરી લો. ત્યાર બાદ તેમાં ચણાનો લોટ, ચોખાનો લોટ અને દહીં નાખી હૂંફાળા પાણીમાં સહેજ ઘાટી પેસ્ટ બનાવી તેને ૫થી ૬ કલાક પલળવા દો. હવે એક કડાઈમાં તેલ ગરમ કરી, તેમાં રાઈ અને મીઠો લીમડો નાંખી મકાઈની પેસ્ટ ઉમેરી સરખી રીતે મિક્સ કરો. ત્યાર બાદ તેને બેકિંગ ટ્રેમાં કાઢી ૪૫ મિનિટ સુધી બેક કરો. હાંડવો બેક થઈ જાય એટલે લીલી ચટણી અથવા ટોમેટો કેચઅપ સાથે ગરમ ગરમ સર્વ કરો.