રેસિપિ / વરસાદની સીઝનમાં પહેલા ક્યારેય નહીં ખાધો હોય આ સ્વાદિષ્ટ હલવો, દાઢમાં રહી જશે સ્વાદ

• વરસાદમાં મકાઈની મસ્તી માણો
• બનાવી લો મકાઈનો સ્વાદિષ્ટ હલવો
• હેલ્ધી અને સ્વાદિષ્ટ ડિશ રહેશે યાદગાર

 
વરસાદની સીઝન શરૂ થાય એટલે દરેક ઘરમાં મકાઈ જોવા મળે. આ સમયે તમે મકાઈની કઢી, મકાઈના ભજિયા, સ્વીટ કોર્ન રોલ અને પુલાવ અને સાથે જ મકાઈની ખીચડી ... નજાણે કેટકેટલું બનાવવા લાગી જાઓ છો. પરંતુ શું તમે ક્યારેય મકાઈનો સ્વાદિષ્ટ હલવો ટ્રાય કર્યો છે. આજે અમે આપના માટે ગરમાગરમ મકાઈના હલવાની રેસિપિ લાવ્યા છીએ જેને તમે ઘરે જ બનાવી શકો છો. 

મકાઈનો હલવો

સામગ્રી
 

• એક વાટકી મકાઈના દાણા
• 100 ગ્રામ માવો
• 100 ગ્રામ નારિયેળનું છીણ
• 100 ગ્રામ દેશી ઘી
• 25 ગ્રામ બદામ
• 4 નંગ એલચી
• 1 ચપટી ખાવાનો રંગ
• 150 ગ્રામ બૂરું ખાંડ
• બદામ, કાજુ અને નારિયેળના ટુકડા સજાવટ માટે

રીત

સૌ પહેલા તો મકાઈના દાણા કાઢી લો અને તેને મિક્સરમાં ક્રશ કરી લો. હવે એક કઢાઈ લો અને તેમાં ઘી ગરમ કરવા મૂકો. આ સમયે ગેસ ધીમો રાખો. હવે તેમાં મકાઈને પીસી લીધા છે તે મિક્સ કરો. ધીમા ગેસ પર તેને શેકતા રહો. પાણી થોડું બળી જશે અને પછી મિશ્રણમાંથી પણ સુગંધ આવવા લાગશે. આ સમયે તમે તેમાં માવો મિક્સ કરો અને ફરીથી 5 મિનિટ સુધી શેકો. હવે તેમાં નારિયેળનું છીમ અને બૂરું ખાંડ મિક્સ કરો. સાથે તેમાં 2 વાટકી પાણી મિક્સ કરો અને 10-15 મિનિટ સુધી શેકતા રહો. તેમાં કલર અને સૂકા મેવા મિક્સ કરીને એક વાર હલાવી લો અને ગેસ બંધ કરી લો.  હવે તેમાં એલચીનો ભૂકો પણ મિક્સ કરો અને ગરમા ગરમ સર્વ કરો.