રેસિપી / બ્રેકફાસ્ટમાં પરાઠાને આપો આ નવો ટ્વિસ્ટ, બાળકો અને મોટેરાંઓ બે હાથે ખાશે, નહીં ભૂલાય સ્વાદ

આ સિવાય જ્યારે ગાજરની ન્યૂટ્રિશિયન વેલ્યુ સાંભળશો તો બે હાથે ખાશો આ બધી જ વાનગી.  ગાજરમાંથી તમને ઘણા વિટામિન્સ અને મિનરલ્સ મળી રહે છે. સાથે જ, તેમાં એન્ટી-ઓક્સિડેન્ટ્સ બીટા-કેરોટિન, અલ્ફા કેરોટિન, કેલ્શિયમ, વિટામિન એ, બી 1, બી 2, સી અને ઈ પણ હોય છે. ગાજરના આટલા બધા ફાયદા અને સ્વાદિષ્ટ વાનગીઓના નામ સાંભળ્યા પછી તો હવે તમે પોતાની જાતને રોકી નહીં શકો. તો જાણી લો ગાજરના પરાઠાની ખાસ રેસિપી અને બનાવી લો યમ્મી બ્રેકફાસ્ટ.

ગાજર પરાઠા

સામગ્રી

-1 કપ ઘઉંનો લોટ 
-1/4 કપ મેંદો 
-1/4 કપ સોયાબીનનો લોટ 
-1 કપ ગાજરનું છીણ 
-1 ટેબલસ્પૂન લાલ મરચું 
-1/2 ટીસ્પૂન છીણેલું આદું 
-1 ટીસ્પુન લીંબુનો રસ 
-1 ટીસ્પૂન ખાંડ 
-1 ટેબલસ્પૂન તલ 
-1/2 ટીસ્પૂન જીરું
-1 નંગ તમાલપત્ર
-1 ચપટી હિંગ   
-મીઠું સ્વાદાનુસાર
-તેલ/બટર શેકવા માટે
-કોથમીર 
 

રીત

સૌપ્રથમ એક કડાઈમાં એક ટેબલસ્પૂન તેલ ગરમ કરો. તેલ ગરમ થાય એટલે તેમાં હિંગ, જીરું, તલ અને તમાલપત્રનો વઘાર કરવો. થોડીક સેકન્ડ સાંતળ્યા બાદ તેમાં આદું ઉમેરીને ૨ મિનિટ સાંતળો. ત્યારબાદ તેમાં ગાજરનું છીણ અને મીઠું ઉમેરીને, ધીમા તાપે છીણને ચડવા દો. ગાજરની છીણ ચડી જાય એટલે તેમાં મરચું, કોથમીર, ખાંડ અને લીંબુનો રસ ઉમેરીને બરાબર મિક્સ કરો. બેથી ત્રણ મિનિટ ચઢવાદો, પછી ગેસ પરથી ઉતારીને ઠંડુ થવા દો.

હવે એક મોટા મિક્સિંગ બાઉલમાં ઘઉંનો લોટ, મેંદો અને સોયાબીનનો લોટ ઉમેરીને બરાબર મિક્સ કરો. ત્યાર બાદ તેમાં તેમાં ગાજરનું પૂરણ, થોડું તેલનું મોણ અને મીઠું નાંખી, પરોઠા જેવો કઠણ લોટ બાંધવો. ત્યારબાદ તેમાંથી મનગમતા આકારના પરાઠા વણવા. આ દરમિયાન નોન સ્ટિક તવાને ગરમ કરો. તવા પર તેલ અથવા બટરથી ધીમા તાપે પરાઠાને લાઈટ બ્રાઉન રંગના થાય એ રીતે શેકી લો. ગરમા-ગરમ પરાઠાને ટોમેટો સોસ અથવા દહીં સાથે સર્વ કરો.