રેસિપી / કૅલ્શિયમનો બેસ્ટ સોર્સ છે કેળાઃ બનાવી લો આ સ્વીટ ડિશ, મોઢામાં વળગશે સ્વાદ

કેળાંની વેડમી

સામગ્રી

- બે કપ ઘઉંનો લોટ 
- ત્રણ નંગ પાકા કેળાં
- એક ચમચી એલચીનો પાઉડર
- એક ચમચી જાયફળનો પાઉડર
- અડધો કપ બુરું ખાંડ  
- જરૂર પ્રમાણે તેલ 
- જરૂર પ્રમાણે ઘી

રીત

કેળાંને છૂંદીને તેમાં પૂરણની બધી સામગ્રી ભેગી કરો. લોટમાં મોણ જેટલું તેલ ભેળવી ગરમ પાણીથી કણક બાંધો. તેમાંથી પાતળી રોટલી વણી વચ્ચે કેળાંનું પૂરણ મુકીને રોટલી વણી લો. ત્યાર પછી બંને બાજુ કોરી શેકી લો અને ઉપર ઘી લગાવી ગરમગરમ વેડમીનો સ્વાદ માણો.

કેળામાંથી મળે છે આ ફાયદા

કેળા અનેક રોગો સામે રક્ષણ આપે છે. કેળામાં થાઈમિન, નિયોસિન અને ફોલિક એસિડના રૂપમાં વિટામિન એ અને બી પણ હોય છે. કેળામાં 24.7 % કાર્બોહાઈડ્રેટ, 1.3 % પ્રોટીન, ચરબી 8.3 % અને 64.3 % માત્રામાં પાણી હોય છે.