રેસિપી / અમાસના દિવસે પિતૃપૂજામાં બનાવી લો આ ખાસ ખીર, મળશે પુણ્ય

બદામની ખીર

સામગ્રી

-1/4 કપ બદામ
-21/2 કપ દૂધ
-1 ચપટી કેસર
-1 નંગ ઈલાયચી
-1/4 કપ ખાંડ
-2 ટીસ્પૂન ઘી

રીત

સૌપ્રથમ બે ચમચી જેટલા દૂધમાં કેસર ઉમેરીને તેને પલાળી દો. બાકીના દૂધને ગરમ કરવા માટે મૂકો. ધીમા તાપે દૂધને ઉકળવા દો. બીજા એક પેનમાં પાણી ગરમ કરો. એ પાણીમાં બદામને પલાળી દો. પાણીને એકાદ મિનિટ માટે ઉકળવા દો. ત્યાર બાદ ગેસ બંધ કરી દો. ત્યાર બાદ ગરમ પાણીને નીતારી લો. બદામને ઠંડા પાણીએ નળના પાણીમાં ધોઈને ઠંડી કરી દો. હવે બદામના ફોતરા સરળતાથી હાથથી મસળીને નીકળી જશે. પાંચ-છ જેટલી બદામને ગાર્નિશીંગ માટે કાઢી લો. બાકીની બદામમાં થોડુંક દૂધ ઉમેરીને તેને મિક્ષરમાં ગ્રાઈન્ડ કરીને સ્મૂધ પેસ્ટ બનાવી લો. હવે આ પેસ્ટને ગરમ દૂધમાં ઉમેરીને બરાબર મિક્ષ કરી લો. જે કેસર પલાળેલું છે તેને પણ આ દૂધમાં ઉમેરીને બરાબર મિક્ષ કરી લો. દૂધને થોડીવાર માટે ઉકળવા દો. આ દરમિયાન એક પેનમાં ઘી ગરમ કરી લો. ઘી ગરમ થાય એટલે ગાર્નિશીંગ માટે જે બદામ રાખી છે તેની કતરણ કરીને તેને ઘીમાં સાંતળી લો. ત્યાર બાદ આ કતરણને ખીરમાં ઉમેરીને ગેસ બંધ કરી દો. તૈયાર છે સ્વાદિષ્ટ બદામની ખીર.