રેસિપી / કોઇપણ સમયે એર્નજી મેળવવા માટે બેસ્ટ ઓપ્શન છે આ ખાસ પરાઠા, આજે જ કરી લો ટ્રાય

• ઘરે જ બનાવી લો આ ખાસ પરાઠા
• એનર્જી મેળવવા માટેનો છે બેસ્ટ ઓપ્શન
• સોસ અને ચટણી કે ચા સાથે કરી શકો છો ઉપયોગ

આલુ પરોઠાને તમે લંચબોક્સમાં પણ યુઝ કરી શકો છો. તે તમારી ભૂખ સંતોષવા માટેનો બેસ્ટ ઓપ્શન છે. તેની સાથે તમે ચા -કોફી કે વિવિધ પ્રકારની ચટણી અને સોસનો ઉપયોગ કરીને તેના ટેસ્ટને વધારી શકો છો. 

આલુ મટર પરાઠા

સામગ્રી

- ૨૫૦  ગ્રામ બાફેલા બટાકા
- ૧૦૦ ગ્રામ બાફેલા વટાણા
- એક કપ ઘઉંનો લોટ
- એક કપ મેંદો
- છ લીલા મરચાં
- આદુનો ટુકડો
- થોડા આખા ધાણા
- થોડી કાચી વળીયાળી
- એક ટીસ્પૂન ધાણાજીરુ
- એક ટીસ્પૂન હળદર
- એક ટીસ્પૂન ખાંડ
- એક આખું લીંબુ
- મીઠું સ્વાદ અનુસાર
- કોથમીર થોડી
- એક કપ ઘરનું માખણ

બનાવવાની રીત

સૌ પહેલાં બાફેલા બટાકા અને વટાણાને મિક્સ કરી બરાબર મેશ કરી લો. તેની અંદર બધો જ મસાલો કરો આદુ-મરચાં ક્રશ કરી ઉમેરો, હળદર અને આખા ધાણા અધકચરાં ક્રશ કરી ઉમેરો. આ મસાલાના નાના નાના લુઆ પાડી લો. લોટની કણક બાંધો આ લોટ થોડો ઢીલો રાખજો. હવે આ લોટમાં મસાલાનો લુઓ મુકી વ્યવસ્થિત વણી લો. આ પરાઠાને માખણ કે ઘીમાં શેલો ફ્રાય કરો. પરાઠાને બટર અને ગ્રીન ચટણી સાથે ગરમ ગરમ સર્વ કરો.