સાથ નિભાના સાથિયા શૉના વાયરલ વીડિયો રસોડેમે કોન થા આજકાલ ખૂબ વાયરલ થઇ રહ્યો છે. કોકિલાબેનના ડાયલોગને યશરાજ મુખાતેએ મ્યૂઝિક સાથે રિમેક કર્યુ છે. આ વીડિયો બધાના મોઢે ચડી ગયો છે. ત્યારે નેટફ્લિક્સ પણ તેમાંથી બાકાત નથી રહ્યું.
શું છે આ વીડિયો
સ્ટાર પ્લસની સિરીયલ સાથ નિભાના સાથિયાના મેઇન કેરેક્ટર કોકિલાબેન, ગોપી વહુ અને રાશિ વચ્ચેનો આ સંવાદ છે. જેમાં રાશિ કુકરમાંથી ચણા કાઢીને ખાલી કુકર ગેસ પર ચડાવી દે છે. જેનાથી નારાજ કોકિલા બેન ગોપી વહુને સખ્તીથી પૂછપરછ કરી રહ્યાં છે કે જ્યારે હું નાહવા ગઇ હતી તો રસોડામાં કોણ હતું, હું હતી, તું હતી કોણ હતું, બાદમાં ગભરાયેલી ગોપી વહુ કહે છે રાશિબેન હતા. આ ડાયલોગને યશરાજ મુખાતે નામના સિંગર અને કંપોઝરે મ્યૂઝિક વીડિયો બનાવીને સોશ્યલ મિડીયા પર અપલોડ કર્યો હતો. જે રાતોરાત વાયરલ થઇ ગયો હતો.
આ વાત પર ફેન્સ ફની કમેન્ટ કરી રહ્યાં છે, કોઇક કહી રહ્યું છે કે કોકિલાબેનના ઓર્ડરથી કોણ હતું, તો બીજાએ લખ્યુ રસોડેમે જોન થા. તો કોઇએ લખ્યુ કે રાશીની રસોડા સ્કિલ થોડી જૂની હતી એટલે કોકિલાબેન નારાજ છે.
આ પહેલા કટપ્પાને બાહુબલી કો ક્યું મારા આ ડાયલોગ ખૂબ વાયરલ થયો હતો અને સોશ્યલ મિડીયા પર મિમ્સનો વરસાદ થઇ ગયો હતો.