ડેલ્ટા વેરિએંટ / શું ડેલ્ટા+ વેરિયન્ટના કારણે ત્રીજી લહેર ભારતને ઘમરોળશે? જાણો કેન્દ્રના એક્સપર્ટે શું કહ્યું

• ડેલ્ટા વેરિએટથી ત્રીજી લહેર આવે તેવી સંભવના 
• વેક્સિનેશનથી રોકી શકાશે ત્રીજી લહેર 
• ત્રીજી લહેર સામાન્ય શરદી જેવી બિમારી પણ હોઈ શકે 

વેક્સિનેશનને લઈને રાષ્ટ્રીય તકનીકી સલાહકાર સમૂહના કોવિડ-19 કાર્ય પ્રમુખ એન .કે. અરોડાએ જણાવ્યું કે કોરોના મહામારીની બીજી લહેર હાલ ઘટી ગઈ છે. પરંતુ કોરોનાના ડેલ્ટા પ્લસ વેરિએંટે હવે ચિંતા વધારી દીધી છે. કારણકે બધા વૈજ્ઞાનિકોએ કોરોનાની ત્રીજી લહેર આવશે તેવું કહ્યું છે.

બેદરકારી ભારી પડી શકે છે

ડેલ્ટા પ્લસ વેરિએંટને  કોરોનાની ત્રીજી લહેર સાથે અત્યારથી જોડી ન શકાય. પરંતુ તેને હળવાશમાં લેવાની ભૂલ પણ આપણે ન કરી શકીએ. મીડિયા સાથે વાતચીત કરતા ડૉ અરોડાએ કહ્યું કે મહામારીનો સંબંધ વાયરસના નવા વેરિએંટ તેમજ ઉત્પરિવર્તનો સાથે છે. જેથી ડેલ્ટા વેરિએંટને લઈને બેદરકારી ભારે પડી શકે છે. 

ડેલ્ટા વેરિએંટને લઈને ત્રીજી લહેરની સંભવના 

વધુંમાં ડૉ અરોડાએ એવુ પણ કહ્યું કે ડેલ્ટા પ્લસ વેરિએંટને લઈને ત્રીજી લહેર આવવાની સંભવના છે. કારણકે આ કોરોના વાયરસનો એક નવો વેરિએંટ છે. પરંતુ ખરેખરમાં તેના કારણે ત્રીજી લહેર આવશેજ તેવું ચોક્કસથી ન કહી શકાય. 

કોરોનાના બીજા અન્ય પણ વેરિએંટ પણ ગંભીર 

ડૉ અરોડાએ કહ્યું કે માત્ર ડેલ્ટા વેરિએંટ દ્વારા ત્રીજી લહેર આવશે તેવું પણ ન કહી શકાય. કારણકે અન્ય કારણો પણ કોરોનાની ત્રીજી લહેર સાથે જોડાઈ શકે છે. બીજુ કે ડેલ્ટા વરિએંટની જેવાજ બીજી અન્ય કોરોનાના પ્રકારો પણ છે કે જેના દ્વારા ત્રીજી લહેરની સંભવના છે. 

ત્રીજી લહેર ઘાતક રહેવાની સંભવના ઓછી 

ત્રીજી લહેર એ વાત પર નિર્ભર રહેશે કે બીજી લહેરમાં સંક્રમણ કેટલી હદે ફેલાયું હતું. ડૉ અરોડાનું કહેવું છે કે બીજી લહેરમાં દેશની વસ્તીનો એક મોટો ભાગ સંક્રમિત થયો હતો. જેથી ત્રીજી લહેર સામાન્ય શરદીની બીમારી જેવી પણ હોઈ શકે છે. સાથેજ ત્રીજી લહેરમાં ગંભીર કે ઘાતક બિમારી થવાની સંભવાનાઓ ઓછી છે. 

વેક્સિનેશનથી રોકી શકાશે ત્રીજી લહેર 

ઉલ્લેખનીય છે કે દેશમાં હાલ વેક્સિનેશન પૂર જોશમાં ચાલી રહ્યું છે. જેથી ત્રીજી લહેર પહેલા મોટા ભાગના લોકોને વેક્સિન મળી ગઈ તો એન્ટીબોડી તૈયાર થઈ જશે. ડો અરોડાએ કીધું કે વેક્સિનનો એક ડોઝ પણ અસરકારક છે. જેથી હાલ જે સ્પીડમાં વેક્સિનેશન ચાલી રહ્યું છે. તેને લઈને ત્રીજી લહેર રોકાઈ શકે છે. સાથેજ તેમણે  કોરોના નાબૂદ ન થાય ત્યા સુધી ગાઈડલાઈનનું પાલન કરવા પણ સલાહ આપી જેથી કોરોના સામે આપણાને રક્ષણ મળી રહે.