અમેરિકામાં થયેલી રાષ્ટ્રપતિની ચૂંટણી બાદ સાર્વજનિક રીતે ડોનાલ્ડ ટ્રમ્પ ઓછા જોવા મળી રહ્યા છે. પરંતુ ગુરુવારે ટ્રમ્પે વિદેશમાં રહેતા અમેરિકીઓ સાથે વીડિયો કોન્ફરન્સથી વાત કરી રહ્યા હતા. આ સમયે તેઓએ કોરોના વેક્સીનને લઈને મોટી જાહેરાત કરી અને સાથે જ કહ્યું કે આવનારા અઠવાડિયાથી જ કોરોના વેક્સીનની ડિલિવરી શરૂ થઈ શકે છે.
દુનિયામાં કોરોનાનું સંક્રમણ યથાવત
ડોનાલ્ડ ટ્રમ્પે કરી મોટી જાહેરાત
આવતા અઠવાડિયાથી શરૂ થઈ શકે છે વેક્સીનની ડિલિવરી
આ પહેલાં મંગળવારે અધિકારીઓ કહ્યું કે દેશમાં ફાઈઝર બાયોએનટેક વેક્સીનને ઈમરજન્સીમાં ઉપયોગ કરવાની અનુમતિ મળશે કે તરત જ તેના એક અઠવાડિયા બાદ તેના 64 લાખ ડોઝ વહેંચવાની યોજના પણ તૈયાર કરવામાં આવી રહી છે.
ટ્રમ્પે ગુરુવારે થેન્કસ ગિવિંગ ડે પર અમેરિકીઓ સાથે વાત કરી
તેઓએ કહ્યું કે આવતા અઠવાડિયે અને તેના એક અઠવાડિયા બાદ વેક્સીનની ડિલિવરી શરૂ કરાશે. આ સિવાય ટ્રમ્પે વેક્સીનમાં પ્રાથમિકતાને લઈને પણ વાત કરી હતી. તેઓએ કહ્યું કે શરૂઆતમાં ફ્રન્ટ લાઈન વર્ક્સ, મેડિકલ કર્મચારીઓ અને વરિષ્ઠ નાગરિકોને વેક્સીન અપાશે. ભારત સરકારે પણ વેક્સીન માટેની યોજના તૈયાર કરી લીધી છે. અહીં પણ પહેલાં સીનિયર સીટિઝન અને ડોક્ટર્સને વેક્સીન અપાશે.
એસ્ટ્રાજનેકા ફરીથી કરશે ટ્રાયલ
હાલમાં જ એસ્ટ્રાજેનેકા અને ઓક્સફર્ડે કહ્યું તે વેક્સીનનો શરૂઆતનો ઓછો ડોઝ અને તેના પછીને પૂરો ડોઝ 90 ટકા પ્રભાવી રહ્યો છે. જ્યારે 2 ડોઝ 62 ટકા અસરકારક રહ્યા છે. સુરક્ષાને લઈને કરાયેલા પ્રશ્નોને લઈને એસ્ટ્રાજેનેકાના સીઈઓએ જાહેરાત કરી કે વેક્સીનનું ફરીથી વિશ્વ સ્તરે ટ્રાયલ કરાશે. કંપનીના સીઈઓના આધારે ટ્રાયલ કંપની કોરોના વેક્સીનના પ્રભાવને સમજવા માટે કરી રહી છે.