સીરિયા / ભડકેલા ડોનાલ્ડ ટ્રમ્પે તુર્કીના રાષ્ટ્રપતિને પત્ર લખીને કહ્યું- મૂર્ખ ના બનો, નહીં તો....

• 'મુર્ખ ના બનો, ભાનમાં આવી જાવ.. નહીંતો કાર્યવાહીને લઇને તૈયાર રહો'
• ટ્રમ્પે તુર્કીના રાષ્ટ્રપતિ રજબ તૈયબ અર્દોઆનને પત્ર લખ્યો
• ટ્રમ્પે કહ્યું સરમુખત્યારની જેમ કઠોર બનાવાનો પ્રયત્ન ન કરો

દુનિયા ઇતિહાસમાં તમને શૈતાન તરીકે યાદ કરશે

ડોનાલ્ડ ટ્રમ્પે પોતના પત્રમાં લખ્યું છે કે સરમુખત્યારની જેમ કઠોર બનાવાનો પ્રયત્ન ન કરો, નહીં તો બરબાદ થઇ જશો. અમેરિકાના રાષ્ટ્રપતિએ જણાવ્યું કે તમે તમારો લક્ષ્ય માનવતાની રીતે પ્રાપ્ત કરો. નહીં તો દુનિયા ઇતિહાસમાં તમને શૈતાન તરીકે યાદ કરશે. કઠોર અને જટિલ માણસ ન બનો, મુર્ખ ના બનો. રાષ્ટ્રપતિ ટ્રમ્પે પત્રમાં લખ્યું છે કે હું આ અંગે ટેલિફોનિક વાત પણ કરીશ.

તુર્કીને સારી ડીલની ટ્રમ્પે આપી ઓફર

તુર્કીની અર્થવ્યવસ્થાને બરબાદવાળા નિવેદન પર ટ્રમ્પે કહ્યું કે ચાલો એક સારી ડીલ કરીએ. તમે હજારો લોકોના હત્યાકાંડના જવાબદાર નહી થવા માગતા અને હું તુર્કીની અર્થવ્યવસ્થા બરબાદ થવાને લઇને જવાબદાર થવા ઇચ્છતો નથી. જનરલ મજલૂમ  તમારી સાથે વાતચીત કરવા ઇચ્છે છે. તેઓ છૂટછાટ આપવા પણ તૈયાર છે. તમે દુનિયાને નિરાશન કરશો. 

ટ્રમ્પે તુર્કીને સીરિયા પર હુમલા કરવાની મંજૂરીની વાતથી ઇન્કાર કર્યો

અમેરિકાના રાષ્ટ્રપતિ ડોનાલ્ડ ટ્રમ્પે તુર્કીના રાષ્ટ્રપતિ રજબ તૈયબ અર્દોઆનને સીરિયામાં કુર્દ વિદ્રોહી વિરુધ્ધ અભિયાન ચલાવવાની મંજૂરી આપવાની વાતનો ઇન્કાર કર્યો છે. ટ્રમ્પે પત્રકારો સાથેની વાતચીતમાં રાષ્ટ્રપતિ અર્દોઆનના નિર્ણયે મને ચોંકાવી દીધો નથી, કારણ કે તેઓ છેલ્લા ઘણા સમયથી આમ કરવા ઇચ્છતા હતા.