અમેરિકન રાષ્ટ્રપતિ ડોનાલ્ડ ટ્રમ્પ ભારત પ્રવાસ દરમિયાન અમદાવાદની મુલાકાત લેવાનાં છે. તેઓ આ દરમિયાન સાબરમતી આશ્રમની પણ મુલાકાત લેશે. તેઓ 15 મિનિટ સુધી આશ્રમમાં રોકાવાનાં છે. અત્યાર સુધીમાં 5 દેશોના પ્રમુખોએ આશ્રમની મુલાકાત લીધી છે પણ સાબરમતી આશ્રમની મુલાકાત લેનારા ટ્રમ્પ પહેલા અમેરિકન પ્રમુખ બનશે.
બિલ ક્લિન્ટન આવ્યાં હતા પણ તેઓ ત્યારે પ્રમુખ નહોતા
મોદી સરકારની સત્તા દરમિયાન 5 દેશના વડા આવ્યાં
ડોનાલ્ડ ટ્રમ્પ 15 મિનિટ રોકાશે આશ્રમમાં
5 વર્ષમાં 5 દેશના 5 વડા આશ્રમમની મુલાકાતે
છેલ્લાં 5 વર્ષમાં 5 દેશનાં 5 વડા અત્યાર સુધીમાં અમદાવાદનાં સાબરમતી આશ્રમની મુલાકાત લઈ ચૂક્યાં છે જેમાં 17 સપ્ટેમ્બર, 2014ના રોજ ચીનના પ્રમુખ શી જિનપિંગ, 13 સપ્ટેમ્બર, 2017ના રોજ જાપાનના શિન્જો આબે, ત્યારે વર્ષ 2018માં 3 મહાનૂભવોએ આશ્રમની મુલાકાત લીધી છે જેમાં 17 જાન્યુઆરી, 2018 ઈઝરાયેલનાં બેન્જામિન નેત્યાનહુ, 19 ફેબ્રુઆરી કેનેડાના પ્રમુખ જસ્ટિન ટ્રૂડો, 23 જૂન સેશેલ્સના પ્રમુખ ડેની ફોરે આશ્રમની મુલાકાત લીધી હતી.
બિલ ક્લિન્ટન આવ્યાં હતા પણ
ઉલ્લેખનીય છે કે અમેરિકાનાં બિલ ક્લિન્ટનએ પણ 5 એપ્રિલ 2001માં ગાંધી આશ્રમની મુલાકાત લીધી હતી. જોકે તે ત્યારે પ્રમુખ હોદ્દા પર નહોતા. આ ઉપરાંત 20 ફબ્રુઆરી 2009ના રોજ માર્ટિન લ્યુથર કિંગ-3એ પણ આશ્રમની મુલાકાત લીધી હતી. તેમજ 11 જાન્યુઆરી 2015ના રોજ USના સેક્રેટરી ઓફ સ્ટેટ જોન ફોર્બ્સ કેરી
15 મિનિટની મુલાકાત દરમિયાન ગાંધીના જીવન ઝરમરની ઝાંખી કરશે
ટ્રમ્પ 15 મિનિટની મુલાકાત દરમિયાન ગાંધીના જીવન ઝરમરની ઝાંખી કરશે. અનેક વિદેશી મહાનુભાવો સાબરમતી આશ્રમની મુલાકાત લઈ ચૂક્યાં છે. ટ્રમ્પનો ભારત પ્રવાસ ભારત માટે બહું મહત્વનો બની રહેશે તેવી આશા સેવાઈ રહી છે. બિઝનેસ તથા સુરક્ષાને લઈને ટ્રમ્પ સાથે બેઠક યોજાશે. ટ્રમ્પના સ્વાગતમાં લોકો લોકોની જોડાશે. ટ્રમ્પની મહેમાનગતિમાં ચાર ચાંદ લગાવવા માટે અમદાવાદને દુલ્હનની જેમ સજાવવામાં આવ્યું છે. અમદાવાદને સુરક્ષા છાવણીમાં બદલી દેવામાં આવશે.