કુર્દ ફોર્સના પ્રમુખ મેજર જનરલ કાસિમ સુલેમાની (General Qasem Soleimani)ના મોત બાદ ઇરાન અને અમેરિકાની વચ્ચે તણાવ વધતો જઇ રહ્યો છે. જનરલ સુલેમાનીના મોત બાદ જે પ્રકારે ઇરાક (Iraq)ની રાજધાની બગદાદમાં અમેરિકી દૂતાવાસને નિશાન બનાવતા હુમલો કરવામાં આવ્યો છે. તેના પર અમેરિકી રાષ્ટ્રપ્રમુખ ડોનાલ્ડ ટ્રમ્પે એકવાર ફરી ઇરાનને ચેતવણી આપતા કહ્યું કે, તેઓ ફરી વાર હુમલાની ભૂલ ન કરે.
મેજર જનરલ કાસિમ સુલેમાનીના મોત બાદ ઇરાન અને અમેરિકાની વચ્ચે તણાવ વધતો જઇ રહ્યો છે
અમેરિકી રાષ્ટ્રપ્રમુખ ડોનાલ્ડ ટ્રમ્પે એકવાર ફરી ઇરાનને ચેતવણી આપી
અમેરિકી રાષ્ટ્ર્પ્રમુખે કહ્યું, ઇરાન વળતો હુમલો ન કરે નહીં તો ક્યારેય ન જોયો હોય તેવો હુમલો કરીશું
ડોનાલ્ડ ટ્રમ્પે કહ્યું કે, જો ઇરાન ફરીથી હુમલો કરે છે તો તેના પર એવો જોરદાર હુમલો કરવામાં આવશે કે જેનો તેણે ક્યારેય સામનો નહીં કર્યો હોય. અમેરિકી રાષ્ટ્રપ્રમુખ ટ્ર્મ્પે ટ્વિટ કરતા કહ્યું, તેઓએ અમારા પર હુમલો કર્યો અને અમે તેમના જવાબમાં હુમલો કર્યો. જો તેઓ ફરીથી હુમલો કરશે તો હું તેમને સલાહ આપીશ કે, તેઓ એવું ન કરે નહીં તો અમે ઇરાન પર એટલો જોરદાર હુમલો કરીશું કે જેનો તેણે ક્યારેય સામનો કર્યો નહીં હોય.
They attacked us, & we hit back. If they attack again, which I would strongly advise them not to do, we will hit them harder than they have ever been hit before! https://t.co/qI5RfWsSCH
ટ્રમ્પે વધુ એક ટ્વિટ કરતા કહ્યું કે, સંયુક્ત રાજ્ય અમેરિકાએ સૈન્ય ઉપકરણો પર માત્ર બે ટ્રિલિયન ડોલર ખર્ચ કર્યો છે. અમે દુનિયાના સૌથી મોટા દેશ છીએ અને અત્યાર સુધીના સૌથી સારા પણ. જો ઇરાન એક અમેરિકી બેઝ, અથવા અમેરિકી પર હુમલો કરે છે, તો અમે તેના પર કેટલાક નવા હથિયારોથી વિના વિચારે હુમલો કરીશું.
નોંધનીય છે કે, અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યું છે કે, તેઓએ ઇરાનમાં 52 સ્થાન નક્કી કર્યા છે અને જો ઇરાને પોતાના કમાન્ડર કાસિમ સુલેમાનીના મોતનો બદલો લેવાની કોશિશ કરી તો અમે તેના ઠેકાણાઓ પર ખુબ જ ઝડપી અને ખુબજ ખતરનાક જવાબ આપીશું.