સોશિયલ મીડિયા / ભારત પ્રવાસ પહેલાં ટ્રમ્પ બન્યાં 'બાહુબલી', વીડિયો મચાવી રહ્યો છે ધૂમ

• 24-25 ફેબ્રુઆરીએ ભારત પ્રવાસે ડોનાલ્ડ ટ્રમ્પ 
• ટ્રમ્પે શેર કર્યો બાહુબલીનો વીડિયો 
• ભારતનાં લોકોને મળવાની ઉત્સુકતા દર્શાવી 

ભારતના પ્રવાસ આવતા પહેલાં અમેરિકાનાં રાષ્ટ્રપતિ ડોનાલ્ડ ટ્રમ્પે ટ્વીટ કરીને કહ્યું કે તે ભારતનાં મહાન મિત્રોને મળવા આતુર છે. ડોનાલ્ડ ટ્રમ્પે પોતાના એકાઉન્ટમાંથી એક વીડિયો રીટ્વીટ કર્યો. આ વીડિયોમાં દેશનાં લોકપ્રિય ફિલ્મ બાહુબલીનાં સીન દેખાઈ રહ્યા છે પરંતુ તેમાં પ્રભાસની જગ્યાએ ડોનાલ્ડ ટ્રમ્પને બાહુબલીની ભૂમિકામાં મુકવામાં આવ્યા છે. સાથે જ ઇવાંકા, મેલાનીયા પણ આ વીડિયોમાં દેખાઈ રહ્યા છે. આ પહેલાં ટ્રમ્પે ગઈકાલે જ આયુષ્માન ખુરાનાની આગામી ફિલ્મ શુભ, મંગલ જ્યાદા સાવધાનનાં પણ વખાણ કરી ચુક્યા છે. 

Look so forward to being with my great friends in INDIA! https://t.co/1jdk3AW6fG

— Donald J. Trump (@realDonaldTrump) February 22, 2020

નોંધનીય છે કે ભારત પ્રવાસ દરમિયાન રાષ્ટ્રપતિની સાથે તેમની દીકરી ઇવાન્કા અને જમાઈ  જેરેડ કુશ્નેર પણ આવશે. આખા પરિવાર સાથે ટ્રમ્પ સૌથી પહેલાં અમદાવાદ આવી પહોંચશે. ડોનાલ્ડ ટ્રમ્પ અમદાવાદનાં નમસ્તે ટ્રમ્પ કાર્યક્રમ માટે ખૂબ ઉત્સાહી છે. છેલ્લાં અમુક દિવસમાં તેમના  નિવેદનોમાં આ હરખ જોઈ શકાય છે. તેમણે એક નિવેદનમાં એમ પણ કહ્યું હતું કે અમદાવાદમાં તેમના સ્વાગત માટે 60 લાખથી 1 કરોડ લોકો આવશે. 

ડોનાલ્ડ ટ્રમ્પનાં સ્વાગત માટે અમદાવાદમાં કેટલાય દિવસથી તડામાર તૈયારીઓ કરવામાં આવી રહી છે. ડોનાલ્ડ ટ્રમ્પના રોડ શોથી લઇ મોટેરા સુધીના કાર્યક્રમને લઈને બધી તૈયારીઓ સંપૂર્ણ થઇ ગઈ છે. અમદાવાદીઓ પણ  જગત જમાદારનુ સ્વાગત કરવા ઉત્સુક દેખાઈ રહ્યા છે.