મહામારી / અમેરિકામાં કોરોનાના કારણે એક લાખના મોત અને રાષ્ટ્રપતિ ટ્રમ્પ પ્રિય રમતમાં મશગુલ

• 75 દિવસ ગોલ્ફ રમવા ઉતર્યા ડોનાલ્ડ ટ્રમ્પ 
• અમેરિકામાં એક લાખના મોત છતાં લોકોને બહાર નીકળવાની સલાહ 
• થોડા સમય પહેલાં જ ટ્રમ્પે કહ્યું હતું કે તે ગોલ્ફને યાદ કરી રહ્યા છે 

ડોનાલ્ડ ટ્રમ્પે માસ્ક પણ ન પહેર્યું 

એક તરફ કોરોના વાયરસના હાહાકાર વચ્ચે અમેરિકાનાં રાષ્ટ્રપતિ શનિવારે ગોલ્ફ રમતા નજરે પડ્યા હતા. માર્ચ મહિનામાં કોરોના વાયરસની શરૂઆત બાદ ડોનાલ્ડ ટ્રમ્પ પહેલીવાર ગોલ્ફ રમવા પહોંચ્યા હતા. સપ્તાહનાં અંતનાં કારણે રાષ્ટ્રપતિ ટ્રમ્પ શનિવારે ટ્રમ્પ નેશનલ ગોલ્ફ ક્લબ પહોંચ્યા જે વર્જીનીયામાં આવેલ છે.  CNN અહેવાલ મુજબ ત્યાં ઉપસ્થિત સિક્રેટ સર્વિસનાં અધિકારીઓએ માસ્ક પહેરી રાખ્યું હતું પરંતુ ટ્રમ્પ માસ્ક વગર જ બિન્દાસ રમતનો આનંદ લઇ રહ્યા હતા. 

Nearly 100,000 lives have been lost, and tens of millions are out of work.

Meanwhile, the president spent his day golfing. pic.twitter.com/H1BVNtgVjA

— Joe Biden (@JoeBiden) May 24, 2020

વ્હાઈટ હાઉસે લોકોને કહ્યું બહાર આવો, રમવા જાઓ, બીચ પર જાઓ 

નોંધનીય છે કે શુક્રવારે જ વ્હાઈટ હાઉસના પ્રવકતાએ નાગરિકોને કહ્યું હતું કે લોકોએ આ વિકેન્ડમાં બહાર નીકળવું જોઈએ અને આનંદ માણવો જોઈએ. જોકે સાવચેતી પણ જરૂરી છે. તેમણે કહ્યું કે તમે બહાર જઈ શકો છો, તમે ગોલ્ફ રમી શકો છો, ટેનિસ રમી શકો છો. તમે 6 ફૂટનું અંતર રાખીને બીચ પર જઈ શકો છો. માત્ર એકબીજાથી અંતરનું ધ્યાન રાખવાનું છે. 

થોડા સમય પહેલાં ગોલ્ફ પર કર્યું હતું મોટું નિવેદન 

ડોનાલ્ડ ટ્રમ્પ આ પહેલાં 75 દિવસ પહેલાં ગોલ્ફ રમવા ગયા હતા. નોંધનીય છે કે એક મીડિયા સાથે વાતચીતમાં પણ ટ્રમ્પે કહ્યું હતું કે તે રમતને યાદ કરી રહ્યા છે અને મહામારીમાં વ્યસ્ત હોવાના કારણે તે રમી શકતા નથી. ટ્રમ્પે કહ્યું હતું કે 'હું તેને યાદ કરું છું, જ્યારથી આ સમસ્યાની શરૂઆત થઇ છે ત્યારથી હું રમ્યો જ નથી. હું થોડા સમય માટે પણ ગોલ્ફ રમી ન શક્યો, હું ખૂબ વ્યસ્ત છું અને રમતને ખૂબ જ યાદ કરું છું.'