વિશ્વમાં કોરોના વાયરસનો કહેર 199 દેશોમાં ફેલાયો છે. વિશ્વના 759,302 લોકો કોરોના ગ્રસ્ત છે. તો 36,432 લોકોના કોરોનાને લીધે મોત નિપજ્યા છે. બીજી તરફ સારી વાત એ છે કે 159,415 લોકો કોરોના વાયરસને હરાવી સાજા થઈ ગયા છે. અત્યારે 563,455 એક્ટિવ કેસ છે. ઈટલીમાં મૃત્યુ આંક 11,591 પહોંચ્યો છે. જ્યારે ન્યૂઝીલેન્ડ અને શ્રીલંકામાં રવિવારે પહેલું મોત નિપજ્યું છે.
અમેરિકાએ કર્યો 1918નો નવો પ્રયોગ
ઈટલીમાં મૃત્યુ આંક 10,779થયો
ન્યૂઝિલેન્ડ, શ્રીલંકા અને ઉરુગ્લેમાં પણ પહેલું મોત
એપ્રિલ સુધીમાં અમેરિકાને સામાન્ય કરી દેવાની વાતો કરતા રાષ્ટ્રપ્રમુખ ડોનાલ્ડ ટ્રમ્પને અચાનક રોગની ગંભીરતાનો ખ્યાલ આવ્યો હોય તેમ લાગે છે. તેમણે નિવેદન આપ્યું છે કે ૧ લાખથી ઓછા મોત થશે તો એ સરકારની સારી કામગીરી ગણાશે. આ ઉપરાંત ટ્રમ્પે અમેરિકામાં ચાલી રહેલા લોક ડાઉનમાં ૧ મહિનાનો ઉમેરો કર્યો છે.
ઈટલી 11,591 લોકોનું મોત નિપજ્યું
કોરોના વાયરસના કહેરને પગલે ઈટલીમાં સૌથી વધારે મોત નિપજ્યા છે. અહીં 11,591 લોકોનું મોત નિપજ્યું છે.
સ્પેનમાં 24 કલાકમાં 838 લોકના મોત
ઈટલી પછી સ્પેનમાં સૌથી વધારે મોત છે. સ્પેનમાં 24 કલાકમાં 838 લોકના મોત નિપજ્યા છે. જે દેશનો અત્યાર સુધીનો સૌથી વધારે આંક છે. અહીં મૃત્યુ આંક 6,803પહોચ્યો છે. 48 કલાકમાં સ્પેનમાં 1506 લોકોના મોત નિપજ્યા છે. જ્યારે 80,110 લોકો કોરોના ગ્રસ્ત છે.
સોશિયલ ડિસ્ટન્સિંગ રાખવાનો આદેશ આપ્યો
અમેરિકાના રાષ્ટ્રપતિ ડોનાલ્ડ ટ્રમ્પે આવનારા 2 અઠવાડિયામાં મૃત્યુદર વધવાની આશંકા વ્યક્ત કરી છે. જેને પગલે તેમને સાવચેતી રાખવાનું કહ્યું છે. તેમજ લોકોનો દિશા નિર્દેશોનું ચુસ્ત પાલન કરવાની અપીલ કરી છે. તેમણે 30 એપ્રિલ સુધી સોશિયલ ડિસ્ટન્સિંગ રાખવાનો આદેશ આપ્યો છે. ત્યારે અમેરિકા 1918માં થયેલા પ્રયોગનો ઉપયોગ કોરોના વાયરસ માટે કરી રહ્યું છે. અમેરિકામાં 142,735 લોકો કોરોના ગ્રસ્ત છે. 2488ના મોત થયા છે. જ્યારે 135688 એક્ટિવ કેસ છે. અહીં 4,559 લોકો કોરોનામાંથી સાજા થઈ ગયા છે.
અમેરિકાએ કંઈક આવું કર્યુ
અમેરિકાના હ્યૂસ્ટનમાં એક મુખ્ય હોસ્પિટલમાં કોવિડ-19માંથી સાજા થયેલા દર્દીનું લોહી બીજા ગંભીર રીતે કોરોનાના દર્દીને ચઢાવવામાં આવ્યું અને આ પ્રકારનો પ્રયોગ કરનાર આ પહેલી હોસ્પિટલ બની છે. કોરોના વાયરસમાંથી ઊભર્યા બાદ 2 અઠવાડીયા તબિયત સારી રહ્યા બાદ એક વ્યક્તિએ બ્લડ પ્લાઝ્મા દાનમાં આપ્યા છે. આ બ્લડ પ્લાઝ્મા હ્યૂસ્ટન મેથોડિસ્ટન હોસ્પિટલમાં ‘કોનવાલેસ્સેન્ટ સીરમ થેરપી’ માટે કરવામાં આવશે. સારવારી આ રીત 1918માં ‘સ્પેનિશ ફ્લૂ’ મહામારી સમયે વાપરવામાં આવી હતી. ઉલ્લેખનીય છે અમેરિકાના વરિષ્ઠ વૈજ્ઞાનિક ડૉ. એન્થની ફૉસીએ રવિવારે શંકા વ્યક્ત કરતા સંયુક્ત રાજ્ય અમેરિકામાં 1થી 2 લાખ લોકોના જીવ જવાની શંકા વ્યક્ત કરી છે.
ન્યૂયોર્કમાં થનારી પ્રાઈમરી ચૂંટણી રદ
ન્યૂયોર્કમાં પ્રાથમિક ચૂંટણી ટળી ગઈ છે. ટ્રમ્પે રાજ્યની બોર્ડરોની સીલ કરવાનો વિચાર બદલી નાંખ્યો છે. અમેરિકામાં કોરોના વાયરસનું કેન્દ્ર બનેલા ન્યૂયોર્કમાં કોરોના કોરોના વાયરસને પગલે લોકડાઉનની જાહેરાત કરી હતી એ બાદ તેણે પડોશી રાજ્ય ન્યૂ જર્સી અને કનેક્ટીકટના ગવર્નરને ચોંકાવી દીધા હતા. એ પછી તેમણે રાતે પોતાનો વિચાર બદલ્યો અને ટ્વીટ કરી કહ્યું કે અહીના યાત્રાને લઈને પરામર્શ જાહેર કરવુ વધારે યોગ્ય છે. એ બાદ યાત્રા પરામર્શમાં 3 રાજ્યોમાં આવનારા 2 અઠવાડિયા જરુર ન હોય તો બહાર ન જવા અપીલ કરી હતી. આ દરમિયાન કુઓમોએ ન્યૂયોર્કમાં થનારી પ્રાઈમરી ચૂંટણી એપ્રિલમાથી રદ કરી જૂન સુધી લઈ ગયા હતા. તેમજ અધિકારીઓએ નર્સોએ વધારે સુરક્ષિત સાધનોની માંગણી કરી હોવાની અપીલના દાવાને રદીયો આપ્યો છે.
શ્રીલંકામાં પહેલું મોત
શ્રીલંકામાં કોરના વાયરસને પગલે 65 વર્ષીય વૃદ્ધનું મોત. મૃતક ડાયબિટીશથી પીડિત હતો. શ્રીલંકામાં આ પહેલું મોત છે. સ્વાસ્થ્ય સેવા ડિરેક્ટર અનિલ જયસિંઘે જણાવ્યું હતું કે તેની સારવાર કોલંબોના IDH હોસ્પિટલમાં ચાલી રહી હતી. તેને ડાયબિટીશ તથા હાઈબ્લડ પ્રેશર હતું. જે વિદેશી પ્રવાસીઓના સંપર્કમાં આવ્યા હતા.
ન્યૂઝિલેન્ડમાં પહેલુ મોત
ન્યૂઝિલેન્ડમાં કોરોના વાયરસને પગલે પહેલું મોત થયું છે. સ્વાસ્થ્ય અધિકારીએ જણાવ્યું હતુ કે રવિવારે 70 વર્ષીય પીડિત મહિલાનું મોત નીપજ્યું હતું.
મહિલાને મહિલા ગત અઠવાડિયે ઈન્ફ્યુએન્ઝાની ફરિયાદ સાથે દાખલ કરાઈ હતી. તેની સારવાર દરમિયાન ડૉક્ટરોએ સુરક્ષા જેકેટ પહેવાની તસ્દી લીધી નહોતી. જેને પગેલ હોસ્પિટલના 21 કર્મચારીઓને ક્વોરેન્ટાઈન રાખવામાં આવ્યા છે. ન્યૂઝિલેન્ડમાં અત્યાર સુધીમાં 589 લોકો કોરોના ગ્રસ્ત થયા છે.
અફઘાનિસ્તાનમાં કોરોનાનો કહેર ફેલાઈ રહ્યો હોવાથી અહીના હેરાત અને જલાલાબાદમાં આવેલા વાણિજ્ય દુતાવાસોમાંથી પોતાના પ્રતિનિધિઓ અને સ્ટાફને કાબૂલ મોકલવામાં આવ્યા છે.
જર્મની એક મંત્રીએ કોરોના સંકટના કારણે થોર્મસ શેફરે આત્મહત્યા કરી
જર્મનીના એક મંત્રીએ કોરોનાના સંકટને લીધે આત્મહત્યા કરી લીધી છે. જર્મનીના હેસ્સે રાજ્યના નાણામંત્રી થોમસ શેફરનો મૃતદેહ એક રેલવે ટ્રેક પાસે મળી આવ્યો છે. તેમણે કોરોનાને લીધે આર્થિક ફટકો પડવાના કારણે ચિંતામાં તેમણે આત્મહત્યા કરી લીધી છે.
મેક્સિકોમાં 4 નવા મોત થતા મૃત્યુઆંક 20એ પહોંચ્યો છે. જ્યારે અહીં 993 કોરોના ગ્રસ્ત છે.
ફ્રાન્સમાં 24 કલાકમાં 292ના મોત. મરનારની સંખ્યા વધીને 2,606 થઈ
મોસ્કોના મેયરે પોતાને આઈસોલેટ કર્યા છે. તેમજ તમામ રેસીડેન્સીવાળાઓને સેલ્ફ આઈસોલેશન કરવા આદેશ આપ્યા છે.
બ્રિટનની હાલત કોરોનાને લીધે ખૂબ ખરાબ થઈ હોવાથી અહીં 6 મહિના સુધી જનજીવન સામાન્ય નહીં થાય.
યૂનાઈટેડ કિંગડમમાં વધુ 209ના મોત થયા છેનેપાળે લોકડાઉન 7 એપ્રિલ સુધી વધારી દીધું છે. પહેલા લોકડાઉન 31 એપ્રિલ સુધી જ હતુ.
ઉરુગ્વેમાં કોરોનાને લીધે પહેલું મોત નિપજ્યુ છે. મૃતક પૂર્વ મંત્રી અને સત્તારુઢ પાર્ટીના સહયોગી હતા. રાષ્ટ્રપતિના સચિવ અલ્વારો ડેલગાડોએ સંવાદાતા સંમ્મેલનમાં કહ્યું કે વાયરસના લીધે થયેલા પહેલા મોતની જાહેરાત કરતા દૂખ લાગી રહ્યું છે. અહીં કોરોનાના 304કેસ છે.
ઈરાનમાં નવા 123 લોકોના મોત નિપજ્યા છે. જ્યારે અહીંના સ્વાસ્થ્ય પ્રવક્તાના જણાવ્યાનુંસાર 24 કલાકમાં અહીં 2901 નવા કેસ સામે આવ્યા છે. જ્યારે ... લોકો સાજા થઈને ઘરે ગયા છે.
પાકિસ્તાનમાં 1,625 લોકો કોરોનાગ્રસ્ત અને 18 લોકોના મોત
ફ્રાન્સમાં 319 નવા મોત નિપજ્યા છે અને અહીં મૃત્યુઆંક 2,606એ પહોંચ્યો છે