નિવેદન / ટ્રમ્પનું ચીનને લઈને ફરી એવું નિવેદન આવ્યું કે ડ્રેગન છંછેડાશે, કહ્યું આખા વિશ્વને...

• ફરી એકવાર ડોનાલ્ડ ટ્રમ્પે ચીન પર કર્યા આકરા પ્રહાર
• ચીને અમેરિકા સહિત સમગ્ર દુનિયાને ભયાનક નુકસાન પહોંચાડ્યું

આપને જણાવી દઇએ કે, આ પહેલા પણ ટ્રમ્પે કોરોના વાયરસને લઇને ચીનની અનેકવાર આલોચના કરી છે. આ પહેલા રવિવારે જ ટ્રમ્પે કહ્યું હતું કે, ચીનથી વાયરસના હુમલા પહેલા અમેરિકા ખૂબ જ સારું પ્રદર્શન કરી રહ્યું છે. પરંતુ હવે અમે કોરોના વાયરસ સામે લડી રહ્યા છીએ. ટ્રમ્પે કહ્યું કે, દુનિયાને કોરોના મહામારી આપવાની જવાબદારી ઉપાડવી જ પડશે. 

China has caused great damage to the United States and the rest of the World!

— Donald J. Trump (@realDonaldTrump) July 6, 2020

પહેલા પણ ટ્રમ્પ કરી ચુક્યા છે આકરા પ્રહાર 

અમેરિકાના 244માં સ્વાતંત્ર્ય દિન પર રાષ્ટ્રપતિ ડોનાલ્ડ ટ્રમ્પે કહ્યું કે વિશ્વભરમાં આ રોગચાળાને કારણે પાંચ લાખ 33 હજારથી વધુ લોકોનાં મોત નીપજ્યાં છે. આ સાથે સમયે, 1.13 કરોડથી વધુ લોકોને આ મહામારીનો ચેપ લાગ્યો છે.

કોરોનાની જવાબદારી ચીને જ સ્વીકારી પડશે

રાષ્ટ્રપતિ ટ્રમ્પે ચીન પર નિશાન સાધતા કહ્યું હતું કે અમે ગાઉન, માસ્ક અને સર્જિકલ સાધનોનું ઉત્પાદન કરી રહ્યા છીએ. આ ખાસ રીતે વિદેશી ભુમિમાં બનાવવામાં આવ્યાં હતાં. વિટંબણા એ છે કે, ખાસ કરીને ચીનમાં, જ્યાં વાયરસ અને અન્ય રોગો આવ્યા છે. ચીનની ગુપ્તતા અને છેતરપિંડીનો વિચાર કરીને, તેણે તેને આખા વિશ્વમાં ફેલાવવા દીધો. તેમણે કહ્યું કે આ માટે ચીનને સંપૂર્ણ જવાબદાર ગણવું જોઇએ. તેની જવાબદારી લેવી પડશે.