અમેરિકાના રાષ્ટ્રપતિ ડોનાલ્ડ ટ્રમ્પ પર ન્યૂયોર્કની એક કોર્ટે 20 લાખ ડોલરનો દંડ ફટકાર્યો છે. ડોનાલ્ડ ટ્રમ્પ પર પોતાના ફાઉન્ડેશન એવા ટ્રમ્પ ફાઉન્ડેશનનો ખોટો ઉપયોગ કરવાનો આરોપ સાબિત થયો છે. જેને લઇને કોર્ટે ભારતીય ચલણ મુજબ 14 કરોડ 27 લાખ 5 હજારનો દંડ ફટકાર્યો છે.
અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ટ્રમ્પ ફાઉન્ડેશનના દુરૂપયોગ મામલે કોર્ટે ટ્રમ્પને દંડ ફટકાર્યો છે. ટ્રમ્પે આ ફાઉન્ડેશનનો ઉપયોગ બિઝનેસને વધારવા અને રાષ્ટ્રપતિ ચૂંટણી દરમિયાન પોતાના કેમ્પેઇનમાં કર્યો હતો.
દંડ સાથે ટ્રમ્પ ફાઉન્ડેશન બંધ કરવા કોર્ટનો આદેશ
અમેરકાની કોર્ટેના જ્જ સૈલિયને US રાષ્ટ્રપતિના ચાલી રહેલા ટ્રમ્પ ફાઉન્ડેશન પર ચાલી રહેલા કેસને લઇને ચુકાદો સંભળાવતા આદેશ કર્યો કે ટ્રમ્પ ફાઉન્ડેશનને બંધ કરવામાં આવે. તેમજ ફાઉન્ડેશનમાં બાકી રહેલા ફંડને અન્ય સંગઠનમાં વહેંચી દેવામાં આવે.
ગતવર્ષે ન્યૂયોર્કમાં એટર્ની જનરલે કરી હતી ફરિયાદ
ઉલ્લેખનીય છે કે ન્યૂયોર્કના અટર્ની જનલ લેટિટિયા જેમ્સે ગત વર્ષે ટ્રમ્પ પર આ કેસ દાખલ કરાવ્યો હતો. જેમાં ટ્રમ્પ પર 2.8 મિલિયન ડોલર નુકસાનની માગ કરી હતી.