ટ્રમ્પ ફરી થયા ગુસ્સે ન ગમ્યો પત્રકારનો સવાલ તો જાહેરમાં કર્યું અભદ્ર વર્તન

અમેરિકાના રાષ્ટ્રપતિ ડોનાલ્ડ ટ્રમ્પ ફરી એકવાર પત્રકાર પર ગુસ્સે થઇ ગયા. કારણ કે પત્રકારોએ તેમને એવા સવાલ પુંછ્યા જેનો તેમની પાસે જવાબ જ ન હતો. વ્હાઇટ હાઇસનો એક વીડિયો સામે આવ્યો છે. જેમાં એક મહિલા પત્રકાર ડોનાલ્ડ ટ્રમ્પને અમેરિકાની ચૂંટણીમાં રશિયાએ કથિત રીતે કરેલા હસ્તક્ષેપની તપાસ કરનાર પૂર્વ અધિકારી વિશે સવાલ કર્યો.

તો ટ્રમ્પ ફડકી ઉઠ્યા કારણ કે રશિયાથી ટ્રમ્પને મદદ મળી હોવાના અહેવાલ ઘણી વાર સામે આવી ચુક્યા છે અને આ કેસની તપાસ કરનાર અધિકારીના ટ્રમ્પ સાથેના સંબંધો ખરાબ થવાના કારણે તેઓ હાલ પદ પર રહ્યા નથી. એટલે ટ્રમ્પે મહિલા પત્રકાર પર મુર્ખામી ભર્યો સવાલ કરવાનો આરોપ લગાવ્યો અને જવાબ આપવાની તસ્દી ન લીધી. 

નવાઇની વાત એ છે કે બે દિવસ પહેલા ટ્રમ્પે એક ચેનલના પત્રકારના પ્રશ્નનો વિરોધ કર્યો અને તેને બેસાડી દિધો. હદ તો એ છે કે વ્હાઇટ હાઇસના સમાચાર મેળવવાની જવાબદારી સંભાળતા એ પત્રકારનો પાસ પણ રદ કરી દેવામાં આવ્યો. 

જેથી તે ફરી વ્હાઇટ હાઉસમાં પ્રવેશી ન શકે અને ટ્રમ્પે સવાલ પણ ન કરે. એટલે કે વિશ્વની સૌથી જૂની લોકશાહી હોવાનો ગર્વ લેતા અમેરિકામાં ટ્રમ્પ દ્વારા લોકશાહીના ચોથા સ્તંભ સમાન મીડિયાને સરેઆમ દબાવવાનો પ્રયાસ થઇ રહ્યો છે. જે દુખદ છે.