અમેરિકાના રાષ્ટ્રપતિ ડોનાલ્ડ ટ્રમ્પ 24 અને 25 ફેબ્રુઆરીના રોજ ભારત પ્રવાસે આવી રહ્યાં છે. ભારતીય ઉદ્યોગ જગતને આશા છે કે અમેરિકાના રાષ્ટ્રપતિ ડોનાલ્ડ ટ્રમ્પની આ મહિનાના અંતમાં યોજાનારી ભારત મુલાકાતમાં અનેક મુદ્દે સમજૂતિ-કરાર કરવામાં આવશે.
ડોનાલ્ડ ટ્રમ્પ 24-25 ફેબ્રુઆરીએ ભારતની મુલાકાતે
ભારતીય ઉદ્યોગને અનેક સમજૂતિ પર મંજૂરીની આશા
ટ્રમ્પ ભારતીય ઉદ્યોગજગત સાથે બેઠક યોજે તેવી સંભાવના
ઉદ્યોગ જગતના જણાવ્યા મુજબ આ દરમિયાન બંને દેશો વચ્ચે નાના સ્તર પર એક વેપાર સમજૂતિ અને અમેરિકી કંપનીઓ દ્વારા મોટા સ્તર પર રોકાણ પ્રતિબદ્ધતા કરવામાં આવે તેવી શક્યતા છે. એક ઉદ્યોગ સંગઠને જણાવ્યું છે કે બંને દેશ વચ્ચે કેટલાક મહત્વના મુદ્દાઓ પર સમાધાન તેમજ દ્વિપક્ષીય વેપારને વધુ મજબૂત કરવા માટે વેપાર સમજૂતિ પર વાતચીત કરવામાં આવી રહી છે.
ભારત ઇસ્પાત અને એલ્યુમિનિયમના કેટલાંક ઉત્પાદનો પર અમેરિકા દ્વારા લગાવામાં આવેલા ભારે ટેરિફમાં છૂટની માગ કરી રહ્યાં છે. તેના સિવાય ભારતે GSP હેઠળ કેટલાંક ઘરેલૂ ઉત્પાદનો પર નિર્યાત લાભ આપવા તેમજ કૃષિ, ઑટોમોબાઇલ, ઑટો અને એન્જીનિયરિંગ જેવા ક્ષેત્રોના ઉત્પાદનોને વધુ બજારમાં પહોંચાડવા માંગ કરી છે.
બીજી તરફ અમેરિકાએ પોતાના કૃષિ અને વિનિર્માણ ઉત્પાદનો, ડેરી વસ્તુઓ અને ચિકિત્સા ઉપકરણો, ડેટા સ્થાનીયકરણ ક્ષેત્રોને વધુને વધુ બજારમાં પહોંચાડવા માગ કરી છે. આ સાથે કેટલીક માહિતી અને સંદેશાવ્યવહાર ટેકનીકી ઉત્પાદનો (ICT) પર આયાત ડ્યૂટી ઘટાડવાની પણ માગ કરી છે.
ભારતીય ઉદ્યોગ પરિસંઘ (CII) ના મહાનિદેશક ચંદ્રજીત બેનર્જીએ કહ્યું કે ભારતીય ઉદ્યોગે અમેરિકામાં પોતાનું રોકાણ અને રોજગાર વધાર્યું છે, એવામાં અમે અમેરિકામાં કામ કરી રહેલ પ્રમુખ ભારતીય કંપનીઓ સાથે રાષ્ટ્રપતિ ટ્રમ્પ સાથે મુલાકાતની આશા રાખીએ છીએ.
એસોચેમના મહાસચિવ દીપક સૂદેકહ્યું કે ભારત અને અમેરિકાના વેપાર વાર્તાકાર દ્વિપક્ષીય આર્થિક ગતિવિધિઓને પ્રોત્સાહન આપવા મહેનત કરી રહ્યાં છે. પ્રધાનમંત્રી નરેન્દ્ર મોદી આ દરમિયાન ટ્રમ્પના સ્વાગત સમારોહની મેજબાની કરશે.
સૂત્રોને મળતી માહિતી મુજબ અમેરિકાના રાષ્ટ્રપતિ ડોનાલ્ડ ટ્રમ્પ 25 ફેબ્રુઆરીના રોજ અહી ભારતના દિગ્ગજ ઉદ્યોગ જગતના ઉદ્યોગકારો સાથે મુલાકાત કરી શકે છે.