આજે વ્હાઈટ હાઉસની પાસે અચાનક જ ધડાધડ ફાયરીંગના કારણે ડોનાલ્ડ ટ્રમ્પને પોતાની પ્રેસ કોન્ફ્રેન્સ છોડીને જતા રહેવું પડ્યું. આ ઘટનાનો વીડિયો સોશ્યલ મીડિયામાં પણ વાયરલ થઇ રહ્યો છે.
ચાલુ પ્રેસ કોન્ફ્રેન્સ અચાનક છોડીને ગયા ટ્રમ્પ
વ્હાઈટ હાઉસની બહાર થયું ફાયરિંગ
ડોનાલ્ડ ટ્રમ્પે સિક્રેટ સર્વિસના વખાણ પણ કર્યા
શું છે સમગ્ર ઘટના
નોંધનીય છે કે ડોનાલ્ડ ટ્રમ્પ શેર બજાર વિશે વાત કરી રહ્યા હતા ત્યાં અચાનક જ એક સુરક્ષા એજન્ટ ત્યાં આવે છે ડોનાલ્ડ ટ્રમ્પના કાનમાં કંઇક કહે છે. તે બાદ તુરત જ પ્રેસ કોન્ફ્રેન્સને ત્યાં જ છોડીને અંદર જતા રહે છે. ઉપસ્થિત દરેક પત્રકાર પણ વિચારમાં પડી જાય છે. ટ્રમ્પે કહ્યું તેમને ઓવલ ઓફીસમાં લઇ જવામાં આવ્યા હતા. આ ઓફીસ તે બ્રિફિંગ રૂમની પાસે જ વેસ્ટ વિંગમાં છે.
The Secret Service pulled President Donald Trump from his evening coronavirus news conference on Monday due to an officer-involved shooting outside of the White House.
અમેરિકાનાં વ્હાઈટ હાઉસમાં ડોનાલ્ડ ટ્રમ્પ મીડિયા સામે વાતચીત કરી રહ્યા હતા ત્યાં અચાનક જ અમેરિકન સિક્રેટ સર્વિસ ડોનાલ્ડ ટ્રમ્પને ત્યાંથી લઇ જાય છે. એક મિનીટ બાદ ટ્રમ્પ પરત આવ્યા અને કહ્યું કે એક વ્યક્તિને ગોળી મારી દેવામાં આવી છે અને તેને હોસ્પિટલ લઇ ગયા છે. આ સાથે રાષ્ટ્રપતિ ટ્રમ્પે સીક્રેટ સર્વિસના અધિકારીઓને તેમની કાર્યવાહી બદલ અભિનંદન પણ પાઠવ્યાં.
ઈજાગ્રસ્તને તરત જ હોસ્પિટલ લઇ જવાયા
સિક્રેટ સર્વિસ દ્વારા એક ટ્વિટમાં કહેવામાં આવ્યું કે શૂટિંગમાં સામેલ એક અધિકારીની તપાસ ચાલુ છે. એક અધિકારી અને તે વ્યક્તિને સ્થાનિક હોસ્પિટલમાં લઇ જવામાં આવ્યા છે. ઘટના દરમિયાન વ્હાઈટ હાઉસની સુરક્ષા ભંગ નથી થઇ. વ્હાઈટ હાઉસના રૂમના દરવાજાને પહેલા જ તાળું લગાવી દેવામાં આવ્યું હતું. ટ્રમ્પે કહ્યું કે શૂટિંગ દરમિયાન બીજું કોઈ ઈજાગ્રસ્ત નથી થયા.