અમેરિકાના રાષ્ટ્રપતિ ડોનાલ્ડ ટ્રમ્પે ભારતને વિશેષ પસંદગીવાળા દેશોની યાદીમાંથી બહાર કરી દીધું છે. આ નિયમ 5 જૂનથી લાગુ થશે. અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું કે આ નિર્ણય એટલા માટે લેવામાં આવ્યો કે ભારત તરફથી એ ખાતરી મળી રહી નહોતી કે તેઓ પાતાના માર્કેટમાં અમેરિકાના ઉત્પાદનોને બરાબર છુટ આપશે.
ટ્રમ્પે કહ્યું કે ભારતના પ્રતિબંધના કારણે તેઓને વ્યાપારિક નુકસાન થઇ રહ્યું છે. અમેરિકા દ્વારા જીએસપી પ્રોગ્રામ વર્ષ 1970માં શરૂ કરવામાં આવ્યો હતો ત્યારથી ભારત તેનો લાભ લઇ રહ્યું હતું. ભારત તેનું સૌથી મોટું લાભાર્થી રહ્યું છે. આ નિર્ણયની ભારત પર અસર જોવા મળશે. આ યાદીમાં સામેલ દેશોના હજારો ઉત્પાદકોને અમેરિકામાં કર-મુક્ત છુટની અનૂમતિ દઇને આર્થિક વિકાસને વેગ આપવા માટે કરવામાં આવ્યો હતો.
બીજી વખત વડાપ્રધાન પદ સંભાળ્યા બાદ પીએમ નરેન્દ્ર મોદીને અમેરિકાએ મોટો ઝટકો આપ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે શનિવારે જણાવ્યું કે ભારતને મળનારો જીએસપીનો દરજ્જોને પૂર્ણ કરવાના નિર્ણયથી અમેરિકા પીછેહઠ નહીં કરે. જેનરલાઇઝ્ડ સિસ્ટમ ઓફ પ્રિફરેન્સેઝ અથવા સામાન્ય તરજીહી પ્રણાલી (જીએસપી) અમેરિકા તરફથી બાકીના દેશોને વેપારમાં આપવામાં આવતી છૂટની સૌથી જૂની અને મોટી પ્રણાલી છે.
આ હેઠળનો દરજ્જો પ્રાપ્ત કરનાર દેશોને હજારો સામાન કોઇપણ ફી વગર અમેરિકામાં એક્સપોર્ટ કરવાની છૂટ મળતી હોય છે. વ્હાઇટ હાઉસ તરફથી કરવામાં આવેલી જાહેરાત મુજબ ભારતનો જીએસપી દરજ્જો 5 જૂન 2019ના રોજ પુરો થઇ જશે. ઉલ્લેખનીય છે કે 4 માર્ચના રોજ આ અંગેની જાહેરાત કરી હતી કે જીએસપી પ્રોગ્રામમાંથી ભારતને બહાર કરવામાં આવશે.