આયાત ડ્યૂટી / ડોનાલ્ડ ટ્રમ્પ અકળાયા, ભારતને કહ્યું હવે વધુ મૂર્ખ નહીં બનીએ

અમેરિકાના રાષ્ટ્રપતિ ડોનાલ્ડ ટ્રમ્પે ન્યૂઝ એજન્સીને આપેલા ઇન્ટરવ્યુંમાં જણાવ્યું કે તેમના નેતૃત્વ હેઠળ અમેરિકા હવે વધારે મૂર્ખ નહીં બને. ટ્રમ્પે જણાવ્યું કે અમે કોઇ મુર્ખ દેશ નથી, જેને ખરાબ રીતે બનાવવામાં આવ્યો. તમે ભારતને જુઓ જે અમારું સારું મિત્ર છે, વડાપ્રધાન નરેન્દ્ર મોદી તમે જુઓ તમે શું કર્યું, મોટરબાઇક પર 100 ટકા કર લીધો. અમે તેમના પર કોઇ ચાર્જ લીધો નથી.
 

ડોનાલ્ડ ટ્રમ્પ અહીં હાર્લે ડેવિડસન મોટરબાઇક પર લગાવામાં આવતા ટેક્સ અંગેની વાત કરી રહ્યાં હતા. ટ્રમ્પ ઇચ્છે છે કે ભારત આ બાઇક પર લગાવામાં આવતાં ટેક્સને શૂન્ય કરી દે. અમેરિકાના રાષ્ટ્રપતિએ જણાવ્યું કે અમેરિકાથી મોટરબાઇક ભારત જાય છે તો 100 ટકા ટેક્સ લાગે છે પરંતુ જ્યારે ભારતમાંથી મોટરબાઇક આવે છે તો તેના પર કોઇ ટેક્સ લાગતો નથી.
 

ડોનાલ્ડ ટ્રમ્પે જણાવ્યું કે આ અંગે તેમણે પીએમ મોદી સાથે વાત કરી છે અને કહ્યું છે કે આ સ્વીકાર્ય નથી.  અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે પીએમ મોદી સાથે વાતચીત બાદ આ મોટરબાઇક પર ટેક્સ ઘટાડીને 50 ટકા કરી દેવામાં આવ્યો.

જો કે હજુ પણ મને આ સ્વીકાર્ય નથી અને તેઓ આના પર કામ કરી રહ્યાં છે. ટ્રમ્પે કહ્યું કે હાલમાં અમેરિકા અને ભારત વચ્ચે મોટરબાઇક પર લગાવવામાં આવતી આયાત ડ્યૂટી (Import Duty) ઓછી કરવા મુદ્દે વાતચીત ચાલી રહી છે.