કોરોના સંક્રમણના કારણે વિશ્વભરમાં હજારો લોકો જીવ ગુમાવી રહ્યા છે ત્યાં ચીન અને અમેરિકાના સંબંધો વધુ વણસી રહ્યા છે. ચીન પર લાલઘૂમ થયેલા અમેરિકાએ હવે પગલા લેવાની શરૂઆત કરી છે. રાષ્ટ્રપતિ ડોનાલ્ડ ટ્રમ્પે હાલ જે નિર્ણય લીધો છે તેનાથી ચીનના સ્ટોક માર્કેટનું કચ્ચરઘાણ નીકળી શકે છે.
ટ્રમ્પે કહ્યું 'અબજો ડોલર, અબજો....હા મેં પાછા ખેંચી લીધા'
ટ્રમ્પે ચીન સાથે દરેક પ્રકારના સંબંધ પૂરા કરી દેવાની ધમકી આપી
US Pension Fund ના અબજો રૂપિયા પાછા લઇ લેવાનું એલાન
કોરોના સંક્રમણ ફેલાયું ત્યારથી ચીન અને અમેરિકા સામસામે આવી ગયા છે. રોજ એકબીજા પર આરોપ અને પ્રત્યારોપ વચ્ચે અમેરિકાના રાષ્ટ્રપતિએ હવે પગલાં લેવાની શરૂઆત કરી દીધી છે. અમેરિકાનાં રાષ્ટ્રપતિ ડોનાલ્ડ ટ્રમ્પે ચીનના સ્ટોક માર્કેટમાંથી US Pension Fund ના અબજો રૂપિયા પાછા લઇ લેવાનું એલાન કર્યું છે. ટ્રમ્પના આ નિર્ણય બાદ ચીનના સ્ટોક માર્કેટમાં ભૂકંપ આવી શકે છે અને મોટા કડાકા જોવા મળી શકે છે. ડોનાલ્ડ ટ્રમ્પે કહ્યું કે તેમની સરકારે પ્રક્રિયા શરુ કરી દીધી છે.
ટ્રમ્પે કહ્યુ કે 'અબજો ડોલર, અબજો....હા મેં પાછા ખેંચી લીધા'
નોંધનીય છે કે છેલ્લા ઘણા સમયથી અમેરિકા ચીન પર આક્રમક છે. અમેરિકાએ કોરોના વાયરસને લઈને પણ અનેક આરોપો લગાવ્યા હતા. આટલું જ નહીં હાલમાં જ અમેરિકાએ કહ્યું કે ચીન હવે અમેરિકાની માહિતીઓ ચોરાવવાના કામમાં લાગી ગયું છે. કોરોના વાયરસના કારણે અમેરિકામાં 80 હજારથી વધુ લોકોએ પોતાના જીવ ગુમાવ્યા છે. બીજી તરફ ચીન અને અમેરિકાના સંબંધ વધુને વધુ વણસી રહ્યા છે. ચીન પર લાલચોળ થયેલા ડોનાલ્ડ ટ્રમ્પે કહ્યુ કે 'અબજો ડોલર, અબજો....હા મેં પાછા ખેંચી લીધા'
ચીનની કંપનીઓ પર લાગ્યા આરોપ
ચીનની કંપનીઓ અમેરિકામાં મોટા આરોપો લગાવવામાં આવ્યા છે. અલીબાબા જેવી કંપનીઓ નોંધણી કરાવે છે પરંતુ જે રીતે અમેરિકન કંપનીઓ કમાણીની જાણકરી આપે છે તેમ આ કંપનીઓ આપતી નથી. ત્યારે એક સવાલમાં અમેરિકાના શેર બજારમાં ચાઇનીઝ કંપનીઓના લિસ્ટિંગ મામલે સવાલ કરવામાં આવતા રાષ્ટ્રપતિએ કહ્યું અમે આ મામલે નિરીક્ષણ કરી રહ્યાં છે. આ ખૂબ આશ્ચર્યજનક છે પરંતુ આ એક સમસ્યા છે જ. માની લો અમે ચાઇનીઝ કંપનીને શરતોનું પાલન કરવા મજબુર કરીએ તો આ કંપનીઓ લંડન કે અન્ય કોઈ સ્થાન પર જતા રહેશે.
ટ્રમ્પે સંબંધો પૂરાં કરી દેવાની આપી ધમકી
અમેરિકાના રાષ્ટ્રપતિએ તો ચીન સાથે દરેક પ્રકારના સંબંધ તોડવાની ધમકી આપી છે. રાષ્ટ્રપતિ ટ્રમ્પ સતત ચીન પર દબાણ બનાવી રહ્યા છે, એક ઇન્ટરવ્યુમાં ડોનાલ્ડ ટ્રમ્પે કહ્યું કે 'અમે ઘણું બધું કરી શકીએ છે. અમે બધા જ સંબંધો પૂરાં કરી શકીએ છે.' અમેરિકાનું માનવું છે કે ચીનની નિષ્ક્રિયતાના કારણે વિશ્વમાં આ મહામારી ફેલાઈ છે. ટ્રમ્પનું કહેવું છે કે ચીને તેમને નિરાશ કર્યા છે, શી જિનપિંગ સાથે તેમના સારા સંબંધ છે પરંતુ હાલ તેઓ શી સાથે કોઈ જ વાત કરવા માંગતા નથી.