અમેરિકન રાષ્ટ્રપતિ ડોનાલ્ડ ટ્રમ્પે વ્હાઇટ હાઉસ ખાતે દિવાળીની ઉજવણી કરી. જોકે ટ્વિટર પર પોતાના સંદેશમાં તેઓ હિન્દૂઓનો ઉલ્લેખ કરવાનું ભૂલી ગયા જેનાથી તેમને આલોચનાનો સામનો કરવો પડ્યો હતો. પોતાની ભૂલનો અહેસાસ થતા ટ્રમ્પે પોતાની હિંદૂઓનું ઉલ્લેખ કરીને બીજું ટ્વિટ કર્યુ હતુ.
ટ્રમ્પે વ્હાઈટ હાઉસના ઐતિહાસિક રૂઝવેલ્ટ રૂમમાં દિવાળી કાર્યક્રમનું આયોજન કર્યુ હતુ જેમાં પ્રતિષ્ઠિત ભારતવંજશી ભારતવંશી સંચાલકો અને કૂટનીતિક અધિકારીઓએ હાજરી આપી હતી.
ડોનાલ્ડ ટ્રમ્પે પોતાના ઑફિશ્યલ ટ્વિટર એકાઉન્ટ પર ફોટોઝ શૅર કરતા ટ્વિટ કર્યુ કે ''આજે અમે દિવાળી મનાવવા માટે એકત્ર થયા છીએ. આને સમગ્ર અમેરિકા અને વિશ્વમાં બૌદ્ધ સિખ અને જૈનો દ્વારા મનાવવામાં આવે છે. લાખો લોકો નવ વર્ષનું સ્વાગત કરવા માટે દીપ પ્રગટાવવા પોતાના પરિવાર અને મિત્રો સાથે એકઠા થયા છે.'' ટ્રમ્પે સાથે જ વ્હાઈટ હાઉસ કાર્યક્રમની યૂટ્યૂબ લિંક પણ શેર કરી.
Today we gathered for Diwali a holiday observed by Buddhists Sikhs and Jains throughout the United States & around the world. Hundreds of millions of people have gathered with family & friends to light the Diya and to mark the beginning of a New Year. https://t.co/epHogpTY1Apic.twitter.com/9LUwnhngWJ
સોશ્યલ મીડિયા પર એક્ટિવ યૂઝર્સે ડોનાલ્ડ ટ્રમ્પની આ ભૂલ પકડી લીધી અને તેમણે રિટ્વિટ કરીને કહ્યુ કે ''આ તહેવાર વ્યાપક રીતે હિન્દૂઓ દ્વારા ઉજવવામાં આવે છે.'' ઘણા લોકોએ આ ભૂલ પર તેમની ખૂબ મજાક ઉડાવી. ત્યારબાદ તેમણે તરત જ પોતાની ટ્વિટ ડિલીટ કરી દીધી અને પછી નવી ટ્વિટ પણ ફરીવાર હિન્દુ લખવાનું ભૂલી ગયા. તેમને ફરીવાર રિટ્વીટ કરીને જણાવ્યુ કે ''તેઓ હિંદૂ શબ્દ મિસ કરી ગયા છે.''
બાદમાં તેમણે એક નવી ટ્વીટ કરી ''આજે બપોરે વ્હાઈટ હાઉસના રૂઝવેલ્ટ રૂમમાં હિન્દુઓના પ્રકાશના પર્વ દિવાળીના કાર્યક્રમનું આયોજન કરી સન્માનિત અનુભવી રહ્યો છુ. ખૂબ ખૂબ ખાસ લોકો!'' જોકે 7 નવેમ્બરે દિવાળીની શુભેચ્છાઓ આપતા ટ્રમ્પે પોતાના સંદેશમાં હિન્દુ શબ્દને શામેલ કર્યો હતો.