અમેરિકામાં આ વર્ષે નવેમ્બરમાં રાષ્ટ્રપતિ પદ માટે ચૂંટણી થવા જઈ રહી છે અને બંને પાર્ટીઓ પોત-પોતાના ખાતામાં વધુને વધુ વોટ લેવા માટે ભારતીયોને ખુશ કરવા અને વોટ લેવા પડાપડી કરી રહ્યા છે. એવામાં ભારતીય મૂળના વોટરને ખુશ કરવા માટે પીએમ મોદીનો સહારો લેવામાં આવી રહ્યો છે.
અમેરિકામાં ચૂંટણી રોમાંચક બની
ડોનાલ્ડ ટ્રમ્પ કેમ્પેન ટીમ દ્વારા જાહેર કરવામાં વીડિયો
ભારતીય મૂળ વોટરને ખુશ કરવા બંને ઉમેદવારો પ્રયત્નો શરુ કર્યા
રવિવારે અમેરિકાનાં વર્તમાન રાષ્ટ્રપતિ ડોનાલ્ડ ટ્રમ્પની ટીમ તરફથી એક વીડિયો જાહેર કરવામાં આવ્યો છે જેમાં મોદી અને ટ્રમ્પ સાથે છે અને આ વીડિયોમાં ટ્રમ્પના ભારત પ્રવાસ અને પીએમ મોદીના અમેરિકા પ્રવાસના અંશો બતાવવામાં આવી રહ્યા છે. ટ્રમ્પ વિકટ્રી ફાઈનેન્સ કમિટી 2020 કેમ્પેનની રાષ્ટ્રીય અધ્યક્ષ કિંબલીએ આ વીડિયો ટ્વિટ કરીને લખ્યું કે રિપબ્લિકન પાર્ટીને હંમેશા ઇન્ડો-અમેરિકનનું સમર્થન પ્રાપ્ત થયું છે.
America enjoys a great relationship with India and our campaign enjoys great support from Indian Americans! 👍🏻🇺🇸 pic.twitter.com/bkjh6HODev
નોંધનીય છે કે ટ્રમ્પ વિકટ્રી ફાઈનાન્સ કમિટીના હેડ ડોનાલ્ડ ટ્રમ્પ પોતે છે અને તેમની યોજના છે કે ભારતીય વોટરને પોતાના પક્ષમાં રાખવામાં આવે. આ ચૂંટણીમાં ટ્રમ્પની સામે ડેમોક્રેટિક પાર્ટીમાં ઉપરાષ્ટ્રપતિ પદ માટે કમલા હેરીસને ઉતારવામાં આવ્યા છે. જેના કારણે ભારતીય મૂળના લોકના વોટ કમલાને જતા રહેશે તેવું લોકોને લાગી રહ્યું છે. આ જ કારણ છે કે ટ્રમ્પ પણ હવે ખુલીને ભારતીયોના વોટ લેવા માંગે છે.
અમેરિકામાં અમુક રાજ્ય એવા છે જ્યાં મોટા પ્રમાણમાં ભારતીયો વો આપે તો જીત પાક્કી માની લેવામાં આવશે. ગઈકાલે ગણેશ ચતુર્થીના અવસર પર જો બિડેન અને કમલા હેરિસે ભારતીયોને શુભકામનાઓ પણ પાઠવી હતી. આ સિવાય થોડા દિવસ પહેલા જ જો બિડેને કહ્યું હતું કે જો તે રાષ્ટ્રપતિ બની જાય છે તે દરેક સમસ્યા સામે લડવામા તે ભારતની સાથે ઉભા રહેશે.