અમેરિકાના ત્રણ રાજ્યોમાં પ્રદર્શનકારી આ અઠવાડિયે પ્રતિબંધ હટાવવાની માંગ કરી હતી. આમાં સૌથી મોટું પ્રદર્શન મિશિગનમાં થયું હતુ. જેમાં 3 હજાર પ્રદર્શનકારીઓ ભેગા થયા હતા. ટ્રમ્પે પ્રતિબંધમા છુટછાટ આપવાનો નિર્ણય અધિકારીઓ પર છોડ્યો છે. જ્યારે તેમણે દેશને સ્ટેપ બાય સ્ટેપ ખોલવાનો રોડ મેપ તૈયાર કર્યો છે. અહીં 24 કલાકમાં 1840 મોત થયા છે તો 28641 લોકો કોરોનાગ્રસ્ત થયા છે. જ્યારે કુલ કેસ 738,913 , મોત 39,015 અને સાજા થનારની સંખ્યા 68,285 છે. જ્યારે હજું 631,613 એક્ટિવ કેસ છે.
ન્યૂયોર્કના ગવર્નર ક્યૂમોથી ટ્રમ્પ નારાજ છે
ટ્રમ્પે 3 રાજ્યોમાં ડેમોક્રેટિક ગવર્નરોથી મુક્ત કરવાનું આહ્વાન કર્યુ છે
કોરોનાને લીધે 7 હજાર સ્વાસ્થ્યકર્મીના મોત
ન્યૂયોર્કના ગવર્નર ક્યૂમોથી નારાજ છે
અમેરિકામાં ન્યૂયોર્ક કોરોનાથી સૌથી વધુ અસરગ્રસ્ત છે. ગવર્નર એન્ડ્ર્યુ ક્યૂમો અને ટ્રમ્પ વચ્ચે મતભેદો વધી ગયા છે. ક્યૂમોએ શુક્રવારે કહ્યું હતું કે તેઓ લોકડાઉન સંપૂર્ણપણે હટાવી શકતા નથી. આ અગાઉ તેમણે ટ્રમ્પ સરકાર પર મદદ ન કરવાનો આરોપ લગાવ્યો હતો. ત્યારબાદ ટ્રમ્પે ટ્વીટ કર્યું કે અમે તમારા માટે હજારો બેડ બનાવ્યાં, જેની તમને જરૂર નહોતી અથવા તમે ઉપયોગ કર્યો નથી. મોટી સંખ્યામાં વેન્ટિલેટર આપ્યા હતા. અમે તમને ટેસ્ટિંગમાં પણ મદદ કરી, આ તમારે કરવું જોઈતું હતું. અમે ન્યૂયોર્કને દેશના અન્ય રાજ્ય કરતાં વધુ પૈસા અને સાધનો આપ્યા. આ સમયે ફાળો આપનારા મહાન લોકો તમારી પાસેથી ક્યારેય ધન્યવાદ સાંભળી શક્યા નહીં. ઓછી વાતો અને વધુ કામ કરો.
ટ્રમ્પે રાજ્યોમાં ડેમોક્રેટિક ગવર્નરોથી મુક્ત કરવાનું આહ્વાન કર્યુ છે.
અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાયરસને રોકવા ઘરમાં રહેવાના આદેશની વિરુદ્ધમાં પ્રદર્શન કરનારાઓને સમર્થન આપતા ટ્રમ્પે 3 રાજ્યોને ડેમોક્રેટિક ગવર્નરોથી મુક્ત કરવાનું આહ્વાન કર્યુ છે. રિપબ્લકનના નેતૃત્વવાળા ઓછામાં ઓછો 2 રાજ્યોમાં પ્રતિબંધમાં છુટછાટ આપવાના પગલા ભર્યા છે. ટેક્સાસ અને મિનેસોટાને કેટલીક વ્યવસાયિક પ્રવૃત્તિઓને મંજૂરી આપવાની યોજના અંગે પણ ચર્ચા થઈ છે. ટ્રમ્પે પ્રદર્શન કારીઓના સમર્થનમાં ટ્વીટ કર્યુ હતું કે ‘લિબરેટ મિનેમોટા, લિબરેટ મિશિગન, લિબરેટ વર્જીનીયા.’પ્રદર્શન કારીઓ ‘લિબરેટ’ શબ્દનો ઉપયોગ કરી રહ્યા છે. બીજી તરફ ટ્રમ્પની ટ્વીટ અંગે વોશિંગ્ટનના ડેમોક્રેટિક પાર્ટીના ગવર્નર જે. ઈન્સલીએ ટ્વીટ કરી રહ્યું કે, ‘રાષ્ટ્રપતિ ટ્રમ્પના નિવેદનથી ખતરનાક પ્રવૃત્તિઓને ઉત્તેજન મળશે. તેઓ લાખો લોકોના જીવને જોખમમાં મુકી રહ્યા છે.’
ક્યૂમોને ટ્રમ્પે સંભળાવ્યું કે...
Governor Cuomo should spend more time “doing” and less time “complaining”. Get out there and get the job done. Stop talking! We built you thousands of hospital beds that you didn’t need or use, gave large numbers of Ventilators that you should have had, and helped you with....
ક્યૂમો વારંવાર અમેરિકી સરકારે કોરોનામાં બરાબર કામ નથી કર્યુ એવા આક્ષેપો કરતા રહ્યા છે. ટ્રમ્પે સંઘીય સરકારની કામગીરીની ટીકા કરવા માટે ન્યૂયોર્કના ગવર્નર એન્ડ્રયૂ કુમો પર વરસી પડ્યા હતા. ટ્રમ્પે ટ્વીટમાં કહ્યુ હતું કે ‘ન્યૂ યોર્કના ગવર્નર એડ્ર્યૂ ક્યૂમોએ કામમાં ધ્યાન આપવું જોઈએ’તેમજ તેમણે કહ્યું હતું અમે તમને સૌથી વધારે બેડ, ઈક્વિપમેન્ટ અને પૈસા તથા સાધનો આપ્યા છે. તેમ છતાં તમારી પાસેથી ક્યારેય આભાર સાંભળવા નથી મળ્યો. તેમજ ટ્રમ્પે રેલી કાઢવાની તથા 23 મેના રોજ ન્યૂ યોર્કની વેસ્ટન પોઈન્ટમાં મિલિટ્રી એકેડમીમાં ભાષણ આપવાની આશા વ્યક્ત કરી હતી. ઉલ્લેખનીય છે કે 3 નવેમ્બરના રોજ રાષ્ટ્રપતિની ચૂંટણી યોજાવાની છે.
બાળકોને કોળીયો કરી રહ્યો છે કોરોનાનો કાળ
અમેરિકામાં કોરોના બાળકોને ભરખી રહ્યો છે. બાળ સુધાર કેન્દ્રોમાં કેસ નોંધાયા છે. જેના ચોથા ભાગના કેસ વર્જિનિયા સ્ટેટના બોન એરમાં છે.
વર્જિનિયા સ્ટેટનું બોન એર બાળ સુધાર કેન્દ્રમાં 25 બાળકો પોઝિટિવ આવતા તે કોરોનાનું હોટ સ્પોર્ટ બન્યુ છે. અહીના 2 કર્મચારીઓ પોઝિટિવ આવ્યા હતા. જોકે તેના પર ધ્યાન ન આપાતા આજે પરિસ્થિતિ વણસી છે. હવે ‘યુથ ફર્સ્ટ ઇનિશ્યેટિવ’ NGOના વડા લિઝ રયાને ગવર્નર રાલ્ફ નોર્થમને બાળકોને બહાર કાઢવા અપીલ કરી છે.
કોરોનાને લીધે 7 હજાર સ્વાસ્થ્યકર્મીના મોત
અમેરિકામાં અત્યાર સુધીમાં જોડૉક્ટર અને નર્સ સહિતના 7 હજાર સ્વાસ્થ્યકર્મીનાં મોત થયાં છે. મરનારાઓમાં દર 5મો સ્વાસ્થ્યકર્મી છે. 6 અઠવાડિયાં પહેલા કોરોનાથી પ્રથમ સ્વાસ્થ્યકર્મીનું મોત થયું હતુ. સૌથી વધારે કેસ ન્યૂયોર્ક, ફ્લોરિડા, નેવાડા, મેઈને, મેસાચ્યૂસેટ્સ, ઓરેગોન અને વોશિંગ્ટનમાં નોંધાયા છે. એપી સેન્ટર ન્યૂ યોર્કની 72 હોસ્પિટલ ચેપ સંક્રમિત થઈ છે.
અમેરિકાએ ‘ચમત્કારી’ ગણાતા રાસાયણિક પદાર્થના વેચાણ પર પ્રતિબંધ મુક્યો
અમેરિકાના ન્યાયતંત્રએ કોરોના વાયરસના ઉપચાર માટે ફ્લોરિડાના એક ગિરજાધર સમુહ દ્વારા ‘ચમત્કારી’જાહેર કરવામાં આવેલા રસાયણ પર પ્રતિબંધ મુક્યો છે. ન્યાય વિભાગે ‘મિરેકલ મિનરલ સોલ્યૂશન’ના ઉપચાર માટે ‘જેનેસિસ 2 ચર્ચ હેલ્થ એન્ડ હિલિંગ’અને તેમના પ્રમુખ સભ્યો સામે ફરિયાદ દાખલ કરવામાં આવી છે. કેમ કે તેમણે આ દવાથી કોરોનાની સારવારનો દાવો કર્યો હતો. આ ઉપરાંત તેમણે અલ્ઝાઈમર, આર્ટિઝમ, મસ્તિષ્ક કેન્સર, એડ્સ વગેરે બિમારીમાં લાભ થયાની વાત કરી હતી.
અમેરિકાએ મધ્યમ વર્ગને ગરીબી તરફ જતા અટકાવે
સંયુક્ત રાષ્ટ્રના એક સ્વતંત્ર માનવાધિકાર વિશેષજ્ઞએ કહ્યું કે અમેરિકાએ કોવિડ-19 ની અસરને કારમે મધ્યમવર્ગીય અમેરિકનોને ગરીબીમાં જતા બચાવવા જોઈએ. જેના માટે તાત્કાલીક પગલા ભરવા જોઈએ. યુએનના વિશેષ દુત ફિલિપ એલ્સ્ટને ચેતવ્યા હતા કે જો કોંગ્રેસ દુરંદેશી પગલ નહીં ભરે તો અમેરિકાના કેટલાય ભાગમાં લોકોને ગરીબીનો સામનો કરવો પડશે.
આમ મંત્રીએ ચીન પર નિશાનો સાધ્યો
ટ્રમ્પ બાદ હવે વિદેશ મંત્રી માઈક પોમ્પિયોએ ચીન પર નિશાન સાધતા તેમના પર સત્ય છુપાવવાનો આરોપ લગાવ્યો છે. આ માટે તેમણે શી જિંગપિંગના નેતૃત્વવાળી સરકારને જવાબદારી ગણાવી છે.