અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે કહ્યું, PM મોદી ખૂબ જ સારું કામ કરી રહ્યા છે અને મારાથી સારો ભારતનો કોઈ મિત્ર નથી
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે નરેન્દ્ર મોદીના કર્યા ભરપેટ વખાણ
ખાનગી ચેનલના ઇન્ટરવ્યૂમાં કહ્યું, PM મોદી ખૂબ જ સારું કામ કરી રહ્યા છે
ભારત માટે બાયડન-ઓબામા કરતાં મારો કાર્યકાળ સારો: ડોનાલ્ડ ટ્રમ્પ
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ભારતના વડાપ્રધાન નરેન્દ્ર મોદી અને તેમને ભારતીય સમુદાય તરફથી મળી રહેલા સમર્થન અંગે ચર્ચા કરી હતી. તેમણે એક ખાનગી ચેનલને આપેલા ઈન્ટરવ્યુમાં કહ્યું કે, પીએમ મોદી ખૂબ જ સારું કામ કરી રહ્યા છે અને મારાથી સારો ભારતનો કોઈ મિત્ર નથી.
પૂર્વ રાષ્ટ્રપતિ ડોનાલ્ડ ટ્રમ્પે કહ્યું હતું કે, ભારત અને પીએમ મોદી સાથે મારા સંબંધો ખાસ છે. અમે શ્રેષ્ઠ મિત્રો છીએ. તે એક અદ્ભુત વ્યક્તિ છે. એક મહાન કામ કરી રહ્યા છીએ. મારા કાર્યકાળ દરમ્યાન અમેરિકા-ભારત સંબંધો સૌથી વધુ મજબૂત થયા છે. આવા મજબૂત સંબંધો ન તો બિડેન સરકાર સાથે છે કે ન તો ઓબામા સરકાર સાથે. અમેરિકામાં પણ મને ભારતીય સમુદાયનું સમર્થન મળી રહ્યું છે.
અમેરિકામાં 2024માં રાષ્ટ્રપતિની ચૂંટણી
અમેરિકામાં 2024માં રાષ્ટ્રપતિની ચૂંટણી થવાની છે. તેમણે ટ્રમ્પ આ ચૂંટણી લડશે કે નહીં તે અંગે વાત કરી હતી. ઇન્ટરવ્યુ દરમ્યાન ટ્રમ્પે કહ્યું- મારી ચૂંટણીથી ઘણા લોકો ખુશ થશે, પરંતુ કેટલાક લોકો નાખુશ હશે. હું રાષ્ટ્રપતિ પદ માટે ચૂંટણી લડીશ. બધા ઈચ્છે છે કે, હું ચૂંટણીમાં ઊભો રહું. મારી લોકપ્રિયતા વધુ છે. પ્રમુખ ઉમેદવાર પર કરવામાં આવેલા તમામ પ્રકારના મતદાન અને સર્વેક્ષણોમાં હું સૌથી આગળ છું. જોકે ટ્રમ્પે ચૂંટણી લડવાની સત્તાવાર જાહેરાત કરી નથી.