સિરીયાના વિસ્તારમાં કરેલા હુમલાને લઇને અમેરિકાએ તુર્કીને ઝટકો આપ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે પહેલી વાર ચેતવણી આપતાં કહ્યું હતું કે તુર્કી પોતાના હુમલા રોકી દે નહીં તો બરબાદ કરી નાંખવામાં આવશે. જેને લઇને ટ્રમ્પે તુર્કી વિરુધ્ધ કાર્યવાહી કરતાં ટેરિફ વધારા સાથે કેટલાંક પ્રતિબંધ લગાવ્યાં છે.
અમેરિકાની તુર્કી પર મોટી કાર્યવાહી
ટેરિફ વધારવાની સાથે લગાવ્યાં પ્રતિબંધ
100 મિલિયન ડોલરની ડીલ રોકી દીધી
ટ્રમ્પે તુર્કી વિરુદ્ધ શરૂ કરી કાર્યવાહી
તુર્કી દ્વારા સિરીયા પર કરવામાં આવેલા હુમલા બાદ અમેરિકાના રાષ્ટ્રપતિ ડોનાલ્ડ ટ્રમ્પે બરબાદ કરવાની ચેતવણી આપી હતી. જેને લઇને ટ્રમ્પે કાર્યવાહી કરતાં તુર્કી માટે સ્ટીલ ટેરિફમાં વધારો કરી દીધો છે. આ સાથે જ 100 મિલિયન યૂએસ ડોલરની ડીલ પણ રોકી દેવાની જાહેરાત કરી છે.
તુર્કીએ સીરિયાનાના કુર્દિશ વિસ્તારમાં કર્યો હતો હુમલો
અમેરિકાનું સૈન્ય જેવુ સીરિયાની બહાર નિકળ્યું તેની સાથે જ તુર્કીએ કુર્દિશ કેમ્પ પર હુમલા શરૂ કરી દીધા હતા. જેમાં સીરિયાના કેટલાક વિસ્તાર પર કબજો કરવાનો પ્રયત્ન કર્યો પણ હતો. જો કે ત્યારપછી ડોનાલ્ડ ટ્રમ્પે તુર્કીને ચેતવણી આપી હતી.
Statement from President Donald J. Trump Regarding Turkey’s Actions in Northeast Syria pic.twitter.com/ZCQC7nzmME
ડોનાલ્ડ ટ્રમ્પે તુર્કી પર કાર્યવાહી કરવા આપી મંજૂરી
તુર્કી સામે કાર્યવાહી કરવાના આદેશ પર અમેરિકાના રાષ્ટ્રપતિ ડોનાલ્ડ ટ્રમ્પે હસ્તાક્ષર પણ કરી દીધા છે. આ સાથે જ અમેરિકાના નાણા મંત્રાલયે તુર્કીના રક્ષામંત્રી, આંતરિક મંત્રી અને ઊર્જા મંત્રીને પ્રતિબંધિત યાદીમાં મુકી દીધા છે. આ સાથે જ ડોનાલ્ડ ટ્રમ્પે અમેરિકાના પ્રતિનિધિ સભાને પત્ર લખી તુર્કી મામલાને નેશનલ ઇમરજન્સી જણાવ્યું છે.
ડોનાલ્ડ ટ્રમ્પે આપ્યું મોટુ નિવેદન
ડોનાલ્ડ ટ્રમ્પે પોતાના એક નિવેદનમાં જણાવ્યું છે કે અમેરિકા દ્વારા તુર્કી પર જે કાર્યવાહી કરવામાં આવી છે તેનાથી તુર્કીને ઝટકો લાગશે. તુર્કી દ્વારા માનવાધિકારનું ઉલ્લંઘન કરવામાં આવી રહ્યું છે અને સીરિયામાં શાંતિ-સુરક્ષાને ભંગ કરવાનું કામ કરવામાં આવી રહ્યું છે. જો તુર્કી હુમલાઓ બંધ નહી કરે તો તેની અર્થવ્યવસ્થા બરબાદ કરી દેવામાં આવશે.