દાવો / ટ્રમ્પ અને જિનપિંગ 'દોસ્તી'નો મોટો ખુલાસો, ભારતને લાગી શકે છે ઝટકો

• વર્ષ 2020ની ચૂંટણી માટે ટ્રમ્પે શી જિનપિંગથી મદદ માંગી 
• અમેરિકાના પૂર્વ NSAની પુસ્તકમાં મોટો ધડાકો 
• ટ્રમ્પ સરકારે પુસ્તક પર પ્રતિબંધ માટે કેસ કર્યો 

બોલ્ટનની બુકના કેટલાક અંશોને પ્રકાશિત કરવામાં આવ્યા છે જેમાં બતાવવામાં આવ્યું છે કે ગયા વર્ષ જૂન મહિનામાં ઓસાકામાં થયેલ જી-20 સમિટ દરમ્યાન ટ્રમ્પ અને શી જિનપિંગ વચ્ચે બેઠક થઇ હતી અને જેમાં ટ્રમ્પે આશ્ચર્યજનક રીતે 2020ની ચૂંટણી માટે વાત શરુ કરી દીધી. પુસ્તકમાં કરવામાં આવેલ વર્ણન મુજબ ટ્રમ્પે વાતચીત દરમિયાન કહ્યું કે ચૂંટણી જીતવા પર સોયાબીન અને ઘઉં માટે ચીનથી ખરીદી કરાશે.

બોલ્ટને કહ્યું કે તે ટ્રમ્પના દરેક શબ્દોને શબ્દશઃ પ્રકાશિત કરવા માંગતા હતા પણ સરકારે તેમ કરવા જ દીધું. જોન બોલ્ટનના દાવા અનુસાર બંને વચ્ચે વાતચીતમાં ટ્રમ્પે પ્રસ્તાવ કર્યો કે હવે અમેરિકા હવે બાકી 350 બિલિયન ડોલર વેપાર પર ટેરિફ નહીં લગાવે. 

જોન બોલ્ટનનું પુસ્તક 'ધ રૂમ વેર ઈટ હેપન્ડ : એ વ્હાઈટ હાઉસ મેમોયર' 23મી જૂને પ્રકાશિત થવાની છે પણ ટ્રમ્પ સરકારે આ પુસ્તક પર પ્રતિબંધ લગાવવા માટે કેસ દાખલ કર્યો છે. સરકારનો દાવો છે કે આમાં કેટલીક એવી જાણકારીઓ છે જે રાષ્ટ્રીય સુરક્ષાને નુકસાન પહોંચાડી શકે છે. 

નોંધનીય છે કે 2020ની ચૂંટણીમાં અમેરિકામાં ચીન ખૂબ મોટો વિષય છે. ટ્રમ્પ હાલ ચીન પર ખૂબ આક્રમક થઇ ગયા છે અને ચીન પર હુમલાઓ કરીને ચૂંટણી જીતવા માંગે છે ત્યારે બોલ્ટનના આ દાવા બાદ ટ્રમ્પ સામે સવાલો ઉભા થવા નિશ્ચિત છે.